Црква „Св. Атанасиј“ - Страгово
  Свети Атанасиј | |
| македонска православна црква | |
| Епархија | Повардарска |
| Архијерејско намесништво | Кавадаречко |
| Парохија | Ваташка |
| Местоположба | |
|---|---|
|
| |
| Координати | 41°19′13″N 22°06′29″E / 41.32028°N 22.10806°E |
| Место | Страгово |
| Општина | Кавадарци |
| Држава | Македонија |
| Општи податоци | |
| Покровител | Атанасиј Александриски |
| Изградба | XIX век |
| Архитектонски опис | |
Св. Атанасиј — православна црква во кавадаречко село Страгово, претставник на Македонската преродба. Му припаѓа на Кавадаречкото архијерејско намесништво во Повардарската епархија на МПЦ - ОА.
Црквата е изградена и живописана во XIX век, но нема поточни податоци за нејзино датирање. Претставува трикорабен храм со голема олтарна апсида на источната страна. Во внатрешноста сводовите се покриени со дрвени тавани.
Фрески
[уреди | уреди извор]Во првото подрачје на ѕидовите се претставени Свети Атанасиј, Свети Харалампиј, композицијата „Страшниот суд“ (Второто пришествие). Во второто подрачје на јужниот ѕид се „Жртва Аврамова“ и пророкот Даниил. На северната страна во првото подрачје се Свети Игнатиј, Свети Трифун, Свети Пантелејмон, Свети Кузман и Дамјан, Светите браќа Кирил и Методиј, а меѓу нив е Исус Христос. Потоа следат Свети Нестор, Свети Теодор Тирон и Свети Мина. На западниот ѕид се претставени Света Марија Египетска и Свети Зосим, Света Катерина, Света Недела и Света Петка. Во главниот кораб на јужната страна има тројца светци во медалјони, а на северната се Апостол Лука, Соломон и Апостол Матеј.[1]
Поврзано
[уреди | уреди извор]Наводи
[уреди | уреди извор]- ↑ „Св. Атанасиј с. Страгово“. Културно и национално наследство на Кавадарци. Посетено на 21 мај 2016.[мртва врска]