Црква „Св. Атанасиј“ - Оризари
- За истоимената црква во Скопје, погл. Црква „Св. Атанасиј“ - Ѓорче Петров.
  | |
| македонска православна црква | |
| Епархија | Брегалничка |
| Архијерејско намесништво | Кочанско |
| Парохија | Оризарска |
| Местоположба | |
|---|---|
| Координати | 41°55′19″N 22°26′48″E / 41.92194° СГШ; 22.44667° ИГДКоординати: 41°55′19″N 22°26′48″E / 41.92194° СГШ; 22.44667° ИГД |
| Место | Оризари |
| Општина | Кочани |
| Држава | Македонија |
| Општи податоци | |
| Покровител | Атанасиј Александриски |
| Изградба | XIX век |
| Осветување | 1848 |
| Архитектонски опис | |
Св. Атанасиј Велики — православна црква во кочанското село Оризари. Му припаѓа на Кочанското архијерејско намесништво во Брегалничката епархија на МПЦ - ОА.
Црквата е изградена некаде кон средината на XIX век и осветена на 24 април 1848 г. Подоцна е делумно разрушена од Турците и обновена во 1876 г. Иконите се изработени во 1875 година од зографот Исаија Макриев Фрчковски од Галичник и непознати автори. Храмот не е живописан.[1]
Иконостасот е висок, со три реда икони, конструиран веројатно во 1875-76 г. Во царскиот ред се поставени десет икони (од југ кон север): Свети Ѓорѓи, Архангел Михаил, Свети Јован Крстител, Исус Христос Седржител, Богородица Елеуса, Свети Атанасиј Александриски, Свети Димитрија, Свети Харалампиј и Свети Никола. На иконите нема потпис на иконописецот, но годината 1850 е напишана на иконите на св. Харалампиј и св. Никола. Се претпоставува дека се изработени од Димитар Зограф од Самоков заради стилските особености. Горните два реда икони и царските двери се дело на Никола Михајлов од Крушево.[2] Негово дело е и големиот надиконостасен крст со распетието.[3] Автор на иконите на северната и јужната врата на иконостасот е Исаија Фрчковски, кој ги изработил во 1875-76 г. при обновувањето на црквата.[2]
Поврзано[уреди | уреди извор]
Наводи[уреди | уреди извор]
- ↑ „Оризарска парохија“. Брегалничка епархија. Посетено на 1 декември 2021.
- ↑ 2,0 2,1 Проблеми на изкуството, томове 37–38. БАН. 2004. стр. 49.
- ↑ Ајтовска, Љубинка, Илинка Атанасова (2017). Црквата Свети великомаченик Георгиј – еден век постоење. Кочани: Општина Кочани. стр. 32.