Новоселски манастир

Новоселски манастир

Воздушен поглед на манастирот
Информации
Целосно име	Манастир „Св. Антониј“ - Ново Село
Други имиња	Манастир „Св. Антониј и Св. Ѓорѓи“ - Ново Село
Манастир на:	МПЦ - ОА
Основан	1995
Посветен на	Свети Антониј
Епархија	Струмичка
Цркви	„Св. Ѓорѓи“
Личности
Место
Место	Ново Село, Општина Ново Село, Македонија
Координати	41°25′12″N 22°53′4″E
Видливи остатоци	1 црква, конак, трпезарија, помошни објекти
Отворен за јавноста	да

Новоселски манастир — манастир во струмичкото село Ново Село.

Местоположба

Манастирот се издига на рид на планината Огражден, што се наоѓа над струмичко Ново Село, од каде се гледа панорама на целото село.

Историја

На местото на манастирот во 1990-тите години била откриена некропола, која најверојатно датирала од римско време, и подоцна се покренала иницијатива за изградба на манастирски комплекс.

Во 2004 година започнала изградбата на монашкиот конак со поддршка на струмичкиот митрополит.

Денес, во манастирот живеат тројца монаси во склад со аскетско-исихастичката традиција на Светогорските манастири. Во манастирот е развиено пчеларството и се произведува квалитетен мед.

Градби во манастирот

Манастирскиот комплекс е составен од: главната манастирска црква, конакот, трпезаријата, како и други помошни објекти.

Црква „Св. Ѓорѓи“

Главна статија: Манастирска црква „Св. Ѓорѓи“ - Ново Село

Главната и единствена манастирска црква е посветена на Свети Ѓорѓи.

Галерија

• 
  Молитвен простор во дворот
• 
  Базен во дворот
• 
  Чешма во дворот
• 
  Конакот
• 
  Манастирскиот двор
• 
  Објект во изградба

Надворешни врски

• Промотивно видео за Манастирот на YouTube