Црква „Св. Ѓорѓи“ - Серменин
  | |
| Македонска православна црква | |
| Епархија | Повардарска |
| Архијерејско намесништво | Гевгелиско |
| Парохија | Негорска |
| Местоположба | |
|---|---|
| Координати | 41°13′05.1″N 22°20′38.2″E / 41.218083° N; 22.343944° EКоординати: 41°13′05.1″N 22°20′38.2″E / 41.218083° N; 22.343944° E |
| Населено место | Серменин |
| Општина | Гевгелија |
| Држава | Македонија |
| Општи податоци | |
| Покровител | Свети Георги |
| Изградба | 1834 |
| Живопис | Ѓорѓи Хаџи Ников (обновен) |
| Зограф | Андон Китанов |
| Архитектонски опис | |
| Архитектонски тип | трикорабна |
| Портал „МПЦ“ | |
Свети Ѓорѓи — главна селска црква во гевгелиското село Серменин. Црквата се наоѓа во југозападниот дел од селото.
Историја[уреди | уреди извор]
Црквата е изградена во 1834 година, што е забележливо од записот во женскиот дел на храмот, а истата била обновена кон крајот на XIX век од страна на градителот Андон Китанов. Повторно била обновена во 1940 година.[1]
Архитектура[уреди | уреди извор]
Градбата на црквата е трикорабна, со рамни дрвени тавани и со полукружна олтарна апсида на источниот ѕид. Апсидата е украсена со пет плитки ниши. Покривната конструкција е изградена на две води и е потпрена на осум столбови, распоредени во два реда со по четири столба.[1] Кон јужната страна на црквата е доградена припрата. Ѕидот на оваа страна од градбата е фрескоживописан, а во него е сместена и влезна врата.
Внатрешноста на црквата била фрескоживописана во 1847 година, а фрескописот бил обновен во 1951 година од страна на гевгелискиот живописец Ѓорѓи Хаџи Ников. Иконостасот во црквата го сочинуваат стари икони кои потекнуваат од XIX век. Царските двери биле изработени во резба од страна на зографот Андон Китанов.[1]
Дворот на црквата е ограден со камена ограда. Во него се наоѓаат камбанаријата и трпезарија. Камбанаријата има квадратна основа и се издига над јужниот дел на оградата од дворот на црквата, во непосредна близина на влезната порта. Трпезаријата е сместена во југозападниот дел од дворот.
Поврзано[уреди | уреди извор]
Наводи[уреди | уреди извор]
Надворешни врски[уреди | уреди извор]
Црква „Св. Ѓорѓи“ - Серменин на Ризницата ?
