Црква „Св. Ѓорѓи“ - Лошница
| Свети Ѓорѓи | |
|---|---|
| Αγίου Γεωργίου | |
 Пресв. Богородица Патеводителка, 1775 г. | |
 | |
| 40°27′21″N 21°25′44″E / 40.45583°N 21.42889°E | |
| Место | Лошница, Костурско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | базилика |
| Стил | преродбенички |
| Завршена | 1761/1882 |
| Управа | |
| Архијерејско намесништво | Горенско |
| Епархија | Костурска |
Свети Ѓорѓи (грчки: Αγίου Γεωργίου) — преродбеничка црква во селото Лошница, Костурско, Егејска Македонија. Влегува во состав на Костурската епархија на Цариградската патријаршија.[1] Изворно ѝ припаѓала на Охридската архиепископија.
Црквата е сместена на сретселото и има три периода на изградба. Првиот е од околу 1650 г. Од тој храм преостануваат делови од резбаниот иконостас — десниот дел на таблатурата и други делови, резбан проскинитар, на кој стои вредната икона „Богородица Патеводителка“ и две-три мали преносливи икони. Црквата била 4 м во ширина и 5-6 м во должина.[1]
Храмот е урнат и повторно изграден во 1761[2] или 1768 г.[1] според натписот на камен-темелникот. Неколку години подоцна, во 1775 г. е украсена со фин резбан иконостас и девет убави царски икони, дело на анонимни мајстори, владички прстол и проскинитар на Свети Ѓорѓи.[1] Овој храм бил широк и долг 6 м.[1]
Околу 1880 г. е срушена и втората црква, и за кратко време до 1882 г. е подигнат нов величествен храм од мајстори од Жупан, а црковните предмети, иконостасот и мебелот од стариот храм се пренесени во него.[1] На 22 јули 1936 г. црквата делумно настрадала во пожар, но преживеале иконостасот, владичкиот престол, двата проскинитара и сите преносливи икони освен една.[1]
Додека бил на чело на Костурската епархиха од 1931 до 1936 г. митрополитот Диодор Шишански ја префрлил парохијата во Шишанската епархија. На 24 февруари 1974 г. парохијата е вратена во Костурската епархија.[3]
Живопис и икони
[уреди | уреди извор]
Свети Христофор, фреска одXIX век
Икона на Свети Ѓорѓи, 1775 г.
Икона на Свети Модест, 1775 г.
Икона на Свети Ѓорѓи во северниот проскинитар, 1775 г.
Исус Христос, фреска од XIX век
Икона на Успението Богородично, XVII век
Душата на праведникот, 1775 г.
Поврзано
[уреди | уреди извор]Наводи
[уреди | уреди извор]- 1 2 3 4 5 6 7 „Ο άγιος Γεώργιος, πολιούχος του Γέρμα Καστοριάς“. Φως της Καστοριάς. 21 април 2012. Посетено на 24 јули 2015.
- ↑ „Λαϊκές παροιμίες και παροιμιώδεις λέξεις και φράσεις απ' τον Γέρμα Καστοριάς. Καταγραφή του αείμνηστου Γυμνασιάρχη και συγγραφέα Χρίστου Γεωργίου (1889 - 1972.). 4η δημοσίευση“. Ο Γέρμας Καστοριάς. Посетено на 24 јули 2015.
- ↑ Στυλιάδη, Βασιλείου (30 март 2015). „Η Ενορία Αγίου Γεωργίου Γέρμα Καστοριάς, από το έτος 1974 έως σήμερα“. Φως της Καστοριάς. Посетено на 13 јули 2015.
Надворешни врски
[уреди | уреди извор]
Црква „Св. Ѓорѓи“ - Лошница на Ризницата ?
