Црква „Св. Ѓорѓи“ - Горни Липовиќ

Свети Ѓорѓи
Поглед на црквата „Св. Ѓорѓи“ во селото Горни Липовиќ
македонска православна црква
Епархија	Брегалничка
Архијерејско намесништво	Радовишко
Парохија	Ињевско-конечка
Местоположба
Координати	41°30′39.6″N 22°29′37.4″E
Место	Горни Липовиќ
Општина	Конче
Држава	Македонија
Општи податоци
Покровител	Свети Ѓорѓи
Изградба	1877
Архитектонски опис

Свети Ѓорѓи (позната и како Св. Великомаченик Ѓорѓи) — главна селска црква во радовишкото село Горни Липовиќ. Црквата се наоѓа на влезот од селото, на височинка што се издига на левата страна покрај патот.

Историја

Црквата е изградена во 1877 година, но не е позната кога и од кој архијереј била осветена. Иконите биле изработени во 1860 година од страна на видниот крушевски мајстор Никола Михајлов.

Црквата започнала да се обновува во 2013 година и се очекувало градежните работи да завршат за една година, до март 2014 година. Во обновата била целосно обновена нејзината надворешност.

Архитектура

Градбата на црквата е со правоаголна основа, обоена е со бела боја и е покриена со ќерамиди. Од западната и северната страна на црквата е доградена припрата, којашто е значително пониска од црквата и е покрена со ќерамиди. Пред влезот на црквата има натстрешница, којашто се издига на два цилиндрични столбови. Таа е повисока од припратата, но пониска од црквата и исто така е покриена со ќерамиди. Над натстрешницата, на четири цилиндрични столбови се издига камбанаријата.

Галерија

• 
  Поглед на самата црква од напред
• 
  Икона на којашто е прикажан Свети Ѓорѓи како ја убива ламјата поставена над влезната врата од црквата
• 
  Поглед кон внатрешноста на црквата
• 
  Поглед кон внатрешноста на црквата

Поврзано

• Радовишко архијерејско намесништво
• Ињевско-конечка парохија
• Горни Липовиќ

Надворешни врски

• Информации за црквата Архивирано на 4 март 2016 г. — страница на Брегалничката епархија