Црква „Рождество на Пресвета Богородица“ - Богородица

Од Википедија — слободната енциклопедија
Coat of arms of the Macedonian Orthodox Church.png
Macedonian cross.svg
Рождество на Пресвета Богородица
Викиекспедиција Бојмија 143.jpg

Влезната порта на дворот од црквата

македонска православна црква
Епархија Повардарска
Архијерејско намесништво Гевгелиско
Парохија Стојаковска
Местоположба

Карта

Координати 41°08′26.4″N 22°32′53″E / 41.140667° СГШ; 22.54806° ИГД / 41.140667; 22.54806Координати: 41°08′26.4″N 22°32′53″E / 41.140667° СГШ; 22.54806° ИГД / 41.140667; 22.54806
Место Богородица
Општина Гевгелија
Држава Македонија
Општи податоци
Покровител Пресвета Богородица
Изградба 1911
Живопис 1935
Архитектонски опис
Архит. тип трикорабна

Рождеството на Пресвета Богородица — главна селска црква во гевгелиското село Богородица.[1] Црквата е сместена на самото сретсело.

Историја[уреди | уреди извор]

Црквата првично била подигната во XIX век, но се наоѓала на друго место. Денешната црква е изградена во 1911 година од страна мијачкиот неимар Андон Китанов, а иконостасот бил изработен во 1935 година од неидентификуван зограф од Галичник.[2]

Архитектура[уреди | уреди извор]

Градбата на црквата е трикорабна, со рамни дрвени тавани, при што средишниот кораб ги надвишува двата странични. Во средината на средишниот кораб е насликана фреска со претстава на Исус Христос Седржител. Иконостасот во црквата го исполнуваат четири реда икони, насликани во 1935 година од непознат зограф. Во црквата има и стари икони од XIX век, изработени од страна на непознати зографи.[2] Кон јужниот ѕид на црквата е доградена припрата, на источниот ѕид има полукружна апсида со прозорец во средишниот дел.

Во дворот на црквата е сместена камбанаријата. Таа има шестаголна основа и се издига во непосредна близина на оградата од дворот и источниот ѕид на црквата. Таа содржи по една монофора на секоја страна во висина на ѕвоното во нејзиниот горен дел, како и уште една на источната страна во висина на скалата која води до ѕвоното. Освен камбанаријата, во дворот на црквата има и чешма којашто е изработена од камен.

Галерија[уреди | уреди извор]

  • Апсидата на источната страна на црквата

    Апсидата на источната страна на црквата

  • Камбанаријата

    Камбанаријата

  • Горниот дел на камбанаријата

    Горниот дел на камбанаријата

  • Гнездо над камбанаријата

    Гнездо над камбанаријата

  • Чешма во дворот на црквата

    Чешма во дворот на црквата

  • Натпис на влезната порта од дворот на црквата

    Натпис на влезната порта од дворот на црквата

Поврзано[уреди | уреди извор]

Наводи[уреди | уреди извор]

  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  2. ↑ 2,0 2,1 „Цркви во Стојачката парохија“. Повардарска епархија.

Надворешни врски[уреди | уреди извор]

Macedonian cross.svg
„Рождество на Пресвета Богородица“ (Богородица)  • „Св. Атанасиј“(Габрово)  • „Св. Кирил и Методиј“ (Гевгелија)  • „Вознесение Христово“ (Гевгелија)  • „Рождество на Пресвета Богородица“ (Давидово)  • „Св. Илија“ (Давидово)  • „Св. Димитриј“ (Кованец)  • „Св. Димитриј“ (Конско)  • „Св. Петка“ (Милетково)  • „Св. Константин и Елена“ (Миравци)  • „Св. Архангел Михаил“ (Моин)  • „Св. Константин и Елена“ (Мрзенци)  • „Св. Атанасиј“ (Негорци)  • „Св. Димитриј“ (Ново Конско)  • „Вознесение Христово“ (Петрово)  • „Св. Атанасиј“ (Петрово)  • „Св. Илија“ (Петрово)  • „Св. Петка“ (Прдејци)  • „Св. Ѓорѓи“ (Серменин)  • „Св. Илија“ (Серменин)  • „Св. Димитриј“ (Смоквица)  • „Св. Илија“ (Смрдлива Вода)  • „Св. Пантелејмон“ (Ума)
Coat of arms of Gevgelija Municipality.svg
Преземено од „https://mk.wikipedia.org/w/index.php?title=Црква_„Рождество_на_Пресвета_Богородица“_-_Богородица&oldid=4757712“