Црква „Пресвето Срце Исусово“ - Битола

Пресвето Срце Исусово
Катедрална црква „Пресвето Срце Исусово“
Поглед кон црквата
Место	Битола
Земја	Македонија
Вероисповед	Католицизам
Архитектура
Архитектонски тип	неоготски стил
Завршена	1909
Управа
Епархија	Скопска бискупија
Митрополија	Општина Битола
Свештенство
Архиепископ	Киро Стојанов

Црквата „Пресвето Срце Исусово“ е католички храм кој се наоѓа во Битола, Македонија.

За формирањето на црквата најзаслужни биле Лазаристите кои во 19 век започнале со идеја за ширење католичката вера меѓу православното население на Отоманското Царство. Основач на парорхијата во градот бил Жан - Жозеф Лепавек кој во 1857 година го купил хотелот Локанда на Широк Сокак. Со текот на времето христијанскиот храм бил постојано обновуван и надоградуван.

Црквата била целосно изградена во 1870 година, но во 1900 била опожарена. Денешната црква датира од 1909 година и истата е во неоготски стил. Главниот олтар од костеново дрво во готски стил бил изработен во Минхен, Германија. Останатите два помали олтари биле изработени во новоготски француски стил. Новиот олтар како и амвонот биле изработени во 1975 год од ореово дрво, а ги изработил Ѓорѓи Караџов. Камбанаријата на црквата била изградена во периодот 1938 - 1940 г., и е подарок од словенечките верници.