Црква „Вознесение Христово“ - Липец

Селска црква во Липец

Св.Вознесение Христово
македонска православна црква
Епархија	Брегалничка
Архијерејско намесништво	Кочанско
Парохија	Блатечка
Местоположба
Место	Липец
Општина	Виница
Држава	Македонија
Општи податоци
Покровител	Исус Христос
Изградба	1839
Осветување	непознато
Живопис	1887
Зограф	непознат
Водство	свештеник Орце Пешов
Архитектонски опис
Површина	140 м²

„Св.Вознесение Христово“ — верски храм кој се наоѓа во селото Липец, Општина Виница.

Историја

Изградена е во 1839 година и е една од постарите во Виничко. Од сочуваните документи и од натписот сочуван од жителите, се потврдува годината на изградбата на црквата Свети Спас. Сместена е на северната страна од селото, на височинка од 750 метри, оддалечена 500 метри од селото. Црквата претставува трикорабна градба со рамен таван, градена од речен камен и малтер. Од надворешната страна не е малтерисана и се познаваат камењата и малтерот.

Живопис

За разлика од други цркви од тој период, црквата е живописна со невообичаена сликарија, цртани се елементи со цвеќиња во вазни и други флорални елементи, меѓу кои се среќаваат и некои насликани ангели. Горниот дел на иконостасот е направен во резба. На него се наоѓаат 33 икони, меѓу кои и Животоносниот леб, работена од непознат зограф во 1887 г. На левата врата од иконостасот се наоѓа голема икона на Свети Архангел Михаил, на која е запишана годината на изработката од 1918г. со потпис на зограф со иницијалот Г. Не е познато кога и од кого е осветена.

Поврзано

Црквата има и скромна библиотека во која се сочувани десетина книги со постар ненапишан датум, меѓу нив се: “Минеј’’ за 11-ти месеци, друг “Минеј’’, и “Октоих’’ или “Осмогласник’’, во кој на третата страница пишува, 1888 16 Јули, месецот и датумот кога се одржала некоја значајна црковна прослава.