Церјанска Пештера
Церјанската пештера се наоѓа во југоисточна Србија, на 15 километри од Ниш, во близина на селото Церје.[1] Таа се наоѓа на територија на нишката градска општина Пантелеј.
За пештерата[уреди | уреди извор]
Церјанската пештера се наоѓа во склоп на излетничкото место Каменички вис. Влезот на пештерата се наоѓа на надморска височина од 515 m, на местото каде Провалиската река потонува во подземјето. Пештерата е хидролошки активна. Според геолозите, оваа пештера настанала пред повеќе од 2 милиони години.[2] Првото име на пештерата било Провалија. Главниот ходник на пештерата е долг 3360 м.[3]
Имиња на пештерата[уреди | уреди извор]
- Церјанска пештера - официјално име на пештерата.
- Провалија - локално име, според името на рекичката која тоне во пештерата.
- Церјанка - име кое го дале првите истражувачи од Спелеолошкиот одсек на Планинарскиот сојуз на Белград (СОБ).
Пештерски накит[уреди | уреди извор]
Пештерата е украсена со пештерски накит како што се: сталактити, сталагмити, хеликтити, брановидни завеси, пештерски корали и кристални цветови. Од посебно значење се хелактитите или пештерските рози. Хелактитите се посебен вид на пештерски накит, кој спротивно на физичките закони и Земјината гравитација се формираат и распространуваат во сите правци поради делувањето на воздушните струи.[4]
Заштита на пештерата[уреди | уреди извор]
Пештерата е под заштита од 1955 година. Заводот за заштита на спомениците на природата во 1998 година ја прогласил Церјанската пештера за природно богатство од прва категорија.[5] Јавното претпријатие Дирекција за изградба на градот Ниш е задолжено за управување со пештерата, како и за заштита и развој на пештерата.[6]
Наводи[уреди | уреди извор]
- ↑ Академски спелеолошко-алпинистички клуб. „Церјанска пећина“. Посетено на 30 јануари 2015.
- ↑ Туристичка организација Ниш. „Церјанска пећина“. Архивирано од изворникот на 2015-02-23. Посетено на 30 јануари 2015.
- ↑ NišCafe. „Излетишта у Нишу“. Архивирано од изворникот на 2015-01-22. Посетено на 30 јануари 2015.
- ↑ РТС. „Добродошли у Церјанку“. Посетено на 30 јануари 2015.
- ↑ Сафари клуб. „Церјанска пећина“. Архивирано од изворникот на 2015-03-24. Посетено на 30 јануари 2015.
- ↑ Дирекција за изградњу града Ниша. „Церјанска пећина“. Архивирано од изворникот на 2015-02-16. Посетено на 30 јануари 2015.
Надворешни врски[уреди | уреди извор]
- Академски спелеолошко-алпинистички клуб (АСАК) - Церјанска пећина (српски)
- Уредба о заштити споменика пророде „Церјанска пећина“ Архивирано на 4 март 2016 г. (српски)
- Уредба о заштити споменика пророде „Церјанска пећина“ Архивирано на 6 март 2016 г. (српски)