Церово (Гостиварско)

Церово
Церово Местоположба на Церово во Македонија Церово на интерактивна карта
Координати 41°43′21″N 20°50′44″E
Општина	Маврово и Ростуше
Население	14 жит. (поп. 2021)
Шифра на КО	07086
Надм. вис.	821 м
Церово на општинската карта Атарот на Церово во рамките на општината
Церово на Ризницата

Церово — село во Општина Маврово и Ростуше, областа Горни Полог, во околината на градот Гостивар.

Географија и местоположба

Селото се наоѓа на 10 километри од Гостивар, недалеку од патот Гостивар - Кичево. Североисточно селото допира до падините на Бистра, а југоисточно се издига Буковиќ. Има водовод изграден со самопридонес и асфалтиран пат кој води до селото.

Историја

За време на Втората светска војна сите села во околијата беа запалани од страна на балистот Џемо освен Церово, бидејќи тој како дете таму бил говедарче. Во селото постои и училиште кое сега не работи бидејќи во селото нема речиси постојани жители.

Население

Население во минатото

Година Нас. ±% 1948 225 —     1953 255 +13.3% 1961 186 −27.1% 1971 107 −42.5% 1981 43 −59.8%	Година Нас. ±% 1991 13 −69.8% 1994 17 +30.8% 2002 19 +11.8% 2021 14 −26.3%

Според статистиката на Васил К’нчов („Македонија, Етнографија и статистика“) од 1900 година, во Церово живееле 240 жители, сите Македонци.

Според пописот на населението на Македонија од 2002 година, селото има 19 жители, сите Македонци.

Според последниот попис од 2021 година, во селото живееле 14 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	240	240	225	255	186	107	43	13	17	19	14

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Церово е македонско село.

Според истражувањата од 1947 година, родови во селото се:

• Тримовци (1 к.), староседелци. Старото име им е Печеновци.
• Новевци (2 к.), староседелци. И на нив старото име им е Печеновци. Со Тримовци порано чинеле еден род. Имаат иселеници во Бугарија (едно семејство).
• Софевци (2 к.), староседелци.
• Богдановци (5 к.), староседелци. од родот Богдановци потекнувал познатиот Богдан, за кој се збори дека бил голем јунак и од ништо не се плашел, исто така бил и прв во стрелаштво, тој исто така бил современик и на познатиот Пепо од Ново Село. Во Богдановци го знаат следното родословие: Спиро (жив на 67 г. во 1946 година) Богдан-Маџо, за понатамошните предци не знаат. Имаат иселеници во Вруток и Сретково.
• Трпевци (6 к.), староседелци. Имаат иселеници во Сретково и во Сомбор (едно семејство).
• Влкановци (7 к.), староседелци. Имаат иселеници во Ваљево (едно семејство) и во Истанбул (едно семејство).
• Столевци (2 к.), староседелци. Имаат иселеници во Тајмиште.
• Бибовци (3 к.), староседелци. Од нив најпрво се иселиле во Тетово, па од таму во Алексинац (едно семејство).
• Симјановци (3 к.), староседелци. Имаат иселеници во Гостивар (едно семејство), Скопје (едно семејство) и во Белград (две семејства).
• Ивановци (3 к.), староседелци. Имаат иселеници од Церово во Долна Баница, па од таму во Војводина (едно семејство).
• Иљовци (1 к.), староседелци. Имаат иселеници во Смедерево (едно семејство).
• Божиновци (1 к.) доселени се од селото Горна Ѓоновица;
• Спировци (1 к.) стари доселени, доселени се од некое место во Албанија;
• Десовци (1 к.) доселени се од селото Горно Јеловце, се доселил предокот како домазет.

Културни и природни знаменитости

Цркви

• Црква „Св. Никола“ - Церово - изградена во 2009 година на старите темели на кои датираат од 1864 година
• Црква „Св. Петка“ - Церово - осветена на 25 октомври 2015 година. Ктитори се Димчо и Даниела Трпески;

Познати личности

Јове Апостолоски

Иселеништво

Повеќето жители се иселени во Гостивар, дел во Скопје и во Србија.

Надворешни врски

• Церово (Гостиварско) на Ризницата