Цел за одржлив развој 5

Лого на ЦОР 5

Цел за одржлив развој 5 (скратено ЦОР 5) — петта од Целите за одржлив развој на Обединетите нации донесени во 2015 година којашто има за цел постигнување „родова еднаквост“. Официјалниот текст гласи: „да се постигне родова еднаквост и да се охрабрат жените и девојчињата“.

ЦОР 5 се стреми да им обезбеди на жените и девојките еднакви права, можности да живеат слободно без дискриминација или каков било облик на насилство. Ова е во насока да се постигне родова еднаквост и да се ополномоштат сите жени и девојки. Целта има потцели коишто треба да бидат постигнати до 2030 година заради остварување одржлив развој. Пандемијата на коронавирус силно ги погодила жените со оглед на тоа што се поранливи и имаат ограничен пристап до лекување.

Родовата еднаквост до 2030 година побарува итна активност во насока на отстранување многу коренити причини за дискриминација коишто ги ограничуваат женските права во приватната и јавната сфера на живеење. Отстранувањето на насилството и силувањето по родова основа е приоритет имајќи предвид дека претставува нарушување на човековите права. Обврзаноста да се унапреди родовата еднаквост има предизвикано подобрувања во некои подрачја, но тезата за свет во којшто секоја жена и девојка уживаат целосна родова еднаквост сè уште потфрла.