Цел за одржлив развој 3

Лого на ЦОР 3

Цел за одржлив развој 3 (скратено ЦОР 3) — трета од Целите за одржлив развој на Обединетите нации донесени во 2015 година којашто има за цел постигнување „добро здравје“. Официјалниот текст гласи: „да се обезбеди здрав живот и да се промовира благосостојба за сите од секоја возраст“.

ЦОР 3 се стреми кон постигнување сеопфатно здравство коешто ќе овозможу правичен пристап до здравствените услуги за сите мажи и жени. Целта предлага да се стави крај на спречливата смртност на новороденчиња, доенчиња и деца до петгодишна возраст (смртност на новороденчиња), како и на епидемиите.

Вниманието насочено кон здравјето и благосостојбата исто така вклучува потцели поврзани со спречувањето на злоупотребата на психоактивни супстанции, смртните случаи и повредите во сообраќајни незгоди, како и загадувањето. Целта има 9 потцели коишто треба да бидат постигнати до 2030 година. Потцелите се однесуваат на и покриваат различни гледишта на здравиот живот и здравиот начин на живеење. Напредокот кон остварување на потцелите се мери со помош на 21 показател..

Доброто здравје е суштинско за одржлив развој. Тоа е насочено кон економската и социјална нееднаквост, урбанизацијата, глобалното затоплување, постојаниот товар од ХИВ и други инфективни заболувања, но и незаборавајќи ги растечките предизвици поврзани со незаразните болести. Имајќи ја предвид пандемијата на коронавирус, се јавува потреба да се посвети особено внимание кон постигнувањето добро здравје и благосостојба на светско рамниште.