Цветко Зенговски
Цветко Крстев Зенговски ( 1914 во Побожје, Скопско — 1942 во Матка, Скопско) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
Потекнувал од селско сиромашно семејство. Се занимавал со земјоделство и чување на добиток. По окупацијата на Македонија бил мобилизиран во бугарската фашистичка војска. Служел во Седумдесет и првиот пешадиски полк во Скопје. Во 1942 година како стражар на магацинот со оружје, бил откриен во моментот кога давал оружје и муниција за Народноослободителнато движење и партизаните. Поради тоа Воениот суд по кратка постапка го осудил на смрт. При извршувањето на смртната казна биле повикани неговите роднини и други луѓе со цел да се заплашат. Смртната пресуда, бугарскиот фашистички окупатор ја извршил кај Матка. И покрај малтретирањето во истрагата, храбро издржал и не предал ниту еден од соработниците на НОВ. Неговите посмртни останки биле погребани на селските гробишта. Неговиот брат Александар Зенговски, го изгубил животот во битките за ослободување на Банова Јаруга.[1]