Христијанско богословие

Христијанско богословие — систем на различни богословски дисциплини во рамките на христијанството, при што секоја од нив обработува одредена страна на вероучението и култот.

Традиционално, во христијанството под богословие се подразбира систематска анализа на природата, намерите и дејствувањето на Бога, како обид да се говори за Боженственото битие.

Извори и методологија

Во православието, главен извор на богословието е Светото писмо и Светото предание, при што Светото писмо (Библијата) се смета за најважен облик (дел) од Светото предание.

Во католицизмот, Светото писмо и Светото предание се два различни начина на пренос на Божјото слово, при што Светото писмо не се вбројува како дел од Светото предание. И православните и католиците го сметаат искуството на причестување со Христос во Светиот Дух — учеството во животот на Црквата — за најважен начин на пренесување на Светото предание, вклучувајќи ги и неговите недокументирани и нематеријални гледишта, при што верата се става над разумот.

Главниот и фундаментален извор на официјалното протестантско богословие е Светото писмо — Библијата. Како дополнителни извори се сметаат Светото предание, разумот и искуството.

Оние што сакаат подлабоко да се занимаваат со богословие се запишуваат во специјализирани образовни установи — семинари и духовни академии, каде што добиваат темелно богословско образование, ја изучуваат историјата на развојот на богословската мисла, или на богословски факултети при универзитети.

Надворешни врски

• Christian Classics Ethereal Library
• Christian Theology Reading Room
• Jonathan Hayward, contemporary Orthodox theologian
• Orthodox Church Fathers: Christian Theology Classics Search Engine
• Table of Christian theological terms