Хрватска жолтика

Хрватска жолтика
Научна класификација [ у ]
Царство:	Растенија
клад:	Скриеносеменици
клад:	Евдикоти
Ред:	Лутиковидни
Семејство:	Жолтики
Род:	Жолтика
Вид:	Хрватска жолтика
Научен назив
Berberis aetnensis C.Presl
Синоними
Berberis vulgaris subsp. aetnensis (C.Presl) Rouy & Foucaud Berberis vulgaris var. aetnensis (C. Presl) Hook. f. & Thomson

Хрватска жолтика (науч. Berberis aetnensis или Berberis croatica) — ниско листопадно грмушесто растение од семејството Berberidaceae, која како вид била опишана во 1826 година.

Потекнува од Јужна Италија (Кампанија, Базиликата, Калабрија, Сицилија, Сардинија), Хрватска, Босна и Херцеговина, Црна Гора. Како субалпско растение, во Македонија е познато само за варовнички карпи и камењари на планините Галичица и Јабланица, на височина од 1600 до 2000 метри. Видот е именуван по планината Етна на Сицилија.

Опис

Младите гранки на хрватската жолтика имаат црвеникави до светлокафеави со црвеникава нијанса, додека постарите имаат светлокафеави до сивокафеави. Листовите во снопчиња на кусите гранчиња се кожести, ланцетовидни а на врвот заострени, по работ напилени со запци кои завршуваат со долг шиловиден трн [(0,8)1,2 – 1,4(2) мм], со силно испакната мрежеста нерватура на долната страна, а јасно видлива и на горната страна на ламината

Стоми има на двете страни, трновите на плодните гранки се жолтеникаво светлокафеави и не многу долги. Цветовите се собрани во куси гроздести соцветија од 5–12 цвета, обично вертикални, а поретко слабо свиени надолу. Цветовите се со 6 чашкини и 6 венечни ливчиња и 6 прашника. Плодот е бобинчест, цилиндрично издолжен со црвена боја од 1–2 семки.