Хрвати во Босна и Херцеговина

Од Википедија — слободната енциклопедија
Прејди на прегледникот Прејди на пребарувањето

Хрватите во Босна и Херцеговина (на српскохрватски: Hrvati Bosne i Hercegovine / Хрвати Босне и Херцеговине), нарекувани и Босански Хрвати (на српскохрватски: Bosanski Hrvati / Босански Хрвати) или Херцеговински Хрвати (на српскохрватски: Hercegovački Hrvati / Херцеговачки Хрвати), се трета најраспространета етничка група во Босна и Херцеговина, по Бошњаците и Србите, и еден од конститутивните народи на БиХ. Хрватите имаат значителен придонес кон културата на Босна и Херцеговина. Повеќето од нив се декларираат како припадници на Римокатоличката црква и говорници на хрватскиот јазик.

Од 15-ти до 19 век Католиците во денешна Босна и Херцеговина често биле прогонувани под Отоманската империја. Во 20 век политичките превирања и лошите економски услови предизвикале уште поголема преселба. Етничкото чистење во Босна и Херцеговина во 1990-тите години резултирало со принудено раселување на Хрватите во различни делови на Босна и Херцеговина, иако живееле во повеќе региони пред Босанската војна. Според извештајот на заводот за статистика на Босна и Херцеговина, на пописот во 2013 година биле регистрирани 544.780 Хрвати во Босна и Херцеговина.