Хоне (германски: Hohne) — општина во округот Целе, во сојузната покраина Долна Саксонија, Германија. Општината била создадена од поранешните самостојни општини Хоне, Хелмеркамп и Шпехтсхорн.
Најрано спомнување на местото е на Спасовден во 1313 година кога Бере де Хоне (Bere de Hone) наследил фарма кај Хоне од манастирот „Св. Егедин“ во Брауншвајг. Овој манастир бил основан пред 1115 година.
Мнозинството жители на Хоне се лутеранци и припаѓаат на црквата „Св. Спас“ (Himmelfahrtskirche). Во оваа парохија влегуваат и селата Хелмеркамп, Ханенхорн, Шпехтсхорн, Полхефен и Умерн.