Хилопиргула стурани

Од Википедија — слободната енциклопедија

Хилопиргула стурани (Chilopyrgula sturanyi) се полжави од класата Гастропода. Припаѓаат на едндемски видови во Охридско Езеро.[1][2][3][4][5][6]

Опис и распространетост[уреди | уреди извор]

На овој вид полжави должината на черупките се движи од 7,5 до 16,3 мм. [Polinski, 1929]. Претставниците од овој вид со свои димензии од 2 до 15,4 мм [Radoman, 1983], можеби се најголемите претставници од оваа богата фамилија Hydrobiidae во светот [Albrecht&Wilke, 2008].По мерењата на Хидробиолошкиот завод , должината на черупката на примероците од видот Chilopyrgula stuarnyi се движат од 6229,19 до 13890,54 µm, додека пречникот има димензии од 958,00 до 4252,00 µm .[1][2][3][4][5][6][7][7][8][8][9]

Вертикална дистрибуција[уреди | уреди извор]

Вертикалната дистрибуција на Хилопиргула стурани во Охридско Езеро е лимитирана до средината на сублиторалната зона. Полински смета дека овој вид се наоѓа на длабочина од 5 до 30 метри. Снегарова укажува дека овој вид го населува литоралната и сублиторалната зона на Охридското Езеро, но во крајбрежната зона , пред Хидробиолошкиот завод е со мнгубројна густина. Станковиќ овој вид го наоѓал во литоралот и сублиторалот до длабочина на 30 метри, а Радоман го евидентирал во литорал и сублиторал, но не подлабоко од 40 метри. Овој автор укажал дека овој вид ги населува и крајбрежните извори (Студенчишта, Бејбунар и Свети Наум) кои го снабдуваат езерото со свежа вода и претставуваат поранешен интегрален дел од езерото. Во истражувањата на Хидробиолошкиот завод овој вид бил регистриран на длабочина од 0,5 до 20 метри (во истражуваните литорални профили: Радожда, Ливадиште, Калишта, Струга, Сатеска, Подмолје, Грашница, Канео, Пристаниште, Мазија, Парк, Горица, Св.Стефан, Метропол, Елешец, Пештани, Градиште, Велидаб, Трпејца, Заум, Љубаништа, Св.Наум). Во крајбрежните води го има во вливот на реката Сатеска и изворот Бејбунар.[7][8]

Во литоралната зона, годишната средна вредност на густината изнесува 2722 инд./м², и тоа во горен литорал, од 0 до 5 метри длабочина, 1268 инд./м², додека во долен литорал, од 5 до 20 метри длабочина, по 1454 инд./м².[9]

Ситникова и Шумарев укажуваат дека опстојувањето на видовите е одредено од два фактори: изобилство со храна и способност за успешна репродукција. Оттука се објаснува високата густина на Хилопиргула стурани и значењето на изобилството на храна во литоралната зона.[1][2][3][4][5][6]

Статус[уреди | уреди извор]

Во однос на статусот на видот Chilopyrgula stuarnyi во Охридско Езеро, не би можеле да зборувамеза каква било загрозеност на овој вид засега, со оглед на неговата широка дистрибуција во езерото, односно со честота поголема од 20% влегува во групата на чести видови.[1][2][3][4][5][6][7][8][10]

Значење[уреди | уреди извор]

Станковиќ истакнал дека оваа Гастропода е секако најважната група на населението на животни во Охридското Езеро, особено поради неговиот извонреден ендемизам. Според литературните податоци на Албрехт и Вилке, 2008 година наведени се 72 видови гастроподи, од кои 56 (78%) се ендемски.

Присуството или отсуството на гастроподите може да се користат при дефинирање на основните одлики на живеалиштата, и обратно, одликите на живеалиштата може да се користат при проценка на квалитативниот состав на фауната на гастроподи, особено во стабилни водни екосистеми како што се водите на Охридското Езеро.</ref>[6]

Наводи[уреди | уреди извор]

  1. ↑ 1,0 1,1 1,2 1,3 Polinski, V. (1929). Limnolo{ka ispitivawa Balkanskog Poluostrva, I. Reliktna fauna Gastropoda Ohridskog jezera. Glas Srp. Akad. Nauka, Beograd, 173(65): 131-178.
  2. ↑ 2,0 2,1 2,2 2,3 Станковиќ, С. (1959). Охридското езеро и неговиот жив свет. “Култура”, Скопје. Стр.1-422.
  3. ↑ 3,0 3,1 3,2 3,3 Snegarova, Q. (1954). Gastropodna fauna na Ohridsko Ezero. Akta. Prirodonau~en muzej, Skopje. Str.55-85.
  4. ↑ 4,0 4,1 4,2 4,3 Radoman, P., (1983). Hydrobioidea, a superfamily of Prosobranchia (Gastropoda). I. Systematics. Monographs, Serb. Acad. Sci., Belgrade, str. 1-256.
  5. ↑ 5,0 5,1 5,2 5,3 Albrecht, C. & Wilke, T. (2008). Ancient Lake Ohrid:biodiversity and evolution. Hydrobiologia, 615:103-140.
  6. ↑ 6,0 6,1 6,2 6,3 6,4 Hauffe, T., Albrecht, C., Schreiber, K., Birkhofer, K., Trajanovski., S. & Wilke, T. (2010). Spatially explicit analysis of gastropod biodiversity in ancient Lake Ohrid. Biogeosciences, 8, 175-188.
  7. ↑ 7,0 7,1 7,2 7,3 Buxakoska-\oreska, B. 2012: Gastropoda od Ohridskoto Ezero i negovite krajbre`ni vodi kako objekt za razvivawe na GIS-baziran monitoring soglasno so EU-direktivata za vodi. Doktorska disertacija. Univerzitet ,,Sv.Kiril i Metodij”, PMF, Institut za biologija, Skopje
  8. ↑ 8,0 8,1 8,2 8,3 Budzakoska-Gjoreska, B., Trajanovski, S. and Trajanovska, S. 2012: Assessing the status of endangered invertebrates from ancient Lake Ohrid: the gastropod Chilopyrgula sturanyi. Arch. Biol. Sci., Belgrade, 64 (2), 647-650. (IF) 0.356
  9. ↑ 9,0 9,1 Buxakoska-\oreska, B. 2012; Budzakoska-Gjoreska, B., Trajanovski, S. and Trajanovska, S. 2012
  10. ↑ Hauffe, T., Albrecht, C., Schreiber, K., Birkhofer, K., Trajanovski., S. & Wilke, T. 2010; Buxakoska-\oreska, B. 2012; Budzakoska-Gjoreska, B., Trajanovski, S. and Trajanovska, S. 2012
Преземено од „https://mk.wikipedia.org/w/index.php?title=Хилопиргула_стурани&oldid=5011757“