Фридланд (германски: Friedland) — општина во округот Гетинген, во сојузната покраина Долна Саксонија, Германија. Се наоѓа на реката Лајне, околу 13 километри јужно од градот Гетинген. Нејзиното седиште е во селото Грос Шнен, една од петте единици во општината, во која припаѓаат и Фридланд, Клајн Шнен, Лихтенхаген и Рајфенхаузен.
Во септември 1945 година, сојузната британска комисија изградила камп во Фридланд, близу американските (Хесен) и советските (Тирингија) окупациски зони. Кампот бил предвиден за прва станица за бегалците, евакуираните и повратниците, меѓу кои и војниците. Започнувајќи во 1947 година, кампот бил раководен од сојузната покраина Долна Саксонија. Во текот на масовните протерувања од 1944 до 1945 година, кампот нудел услуги на големи бранови на бегалци. Потоа, служел главно за попатна станица за Германците протерани од источните земји, особено од Полска, Романија и Советскиот Сојуз. Помеѓу 1950 и 1987 година, околу 1,4 милиони лица со германско потекло дошле во Сојузната Република Германија од Исток; повеќе од 60% од овие емигранти дошле од Полска.[2]
Дел од бегалскиот камп во Фридланд
Поглед на Лихтенхаген
Црква во Лихтенхаген
Црква во Грос Шнен
Велепоседнички дом во Рајнсхоф
_COA.svg)
