Фредерик Менсон Бејли
| Фредерик Менсон Бејли | |
|---|---|
 Фредерик Менсон Бејли | |
| Роден(а) | 8 март 1827 Лондон, ОК |
| Починал(а) | 25 јуни 1915 (возр. 88) Брисбејн, Австралија |
| Полиња | ботаника, хортикултура |
| Установи | Квинсленд Музеј |
| Поважни награди | Кларков медал (1902) |
| Авторска кратенка (бот.) | F.M.Bailey |
| Сопружник | Ана Марија Бејли |
Фредерик Менсон Бејли (роден на 8 март 1827 година - починал на 25 јуни 1915 година) — ботаничар активен во Австралија, кој дал голем придонес во карактеризацијата и проучувањето на флората на Квинсленд. Познат бил по своето средно име, Менсон.[1]
Ран живот
[уреди | уреди извор]Фредерик Менсон Бејли бил роден во Лондон, втор син на Џон Бејли. Семејството Бејли се занимавало со одгледување и продажба на растенија многу години во Лондон,[2] понекогаш поврзани со расадниците во Лодиџ.[3] Фредерик се школувал во основното училиште на Независната црква во Хакни, Лондон.[4] Семејството се преселило во Австралија во 1838 година, пристигнувајќи во Аделаида во март 1839 година, каде што неговиот татко Џон бил назначен за колонијален ботаничар од страна на гувернерот, Џорџ Голер, и започнал да ја формира Ботаничката градина во Аделаида. Џон Бејли ја имал позицијата колонијален ботаничар до 1841 година.[3][4]
Кариера
[уреди | уреди извор]Во 1856 година, Менсон се оженил со Ана Марија, најстарата ќерка на свештеникот Томас Вејт,[4] и во 1858 година отишол во Нов Зеланд и стекнал земјиште во долината Хат, но го напуштил во 1861 година и се преселил за Нов Јужен Велс поради Новозеландските војни.[3] Истата година, Бејли отишол во Квинсленд и собирал растенија од различни делови на државата и објавувал статии за растителниот свет. Неговото прво важно објавување било Прирачник за папрати од Квинсленд објавен во 1874 година[3] и Илустрирана монографија за тревите на Квинсленд со Карл Стајгер.[4]
Во 1880 година, соработувал со Џулијан Тенисон-Вудс во објавувањето на Пописот на флората на Бризбејн,[3][5] а во 1881 година бил назначен за на позицијата колонијален ботаничар на Квинсленд.[3]
Бејли патувал многу, некои негови важни експедиции се Рокингемскиот Залив, Сивју Ренџ и горниот тек на реката Херберт (1873), западен Квинсленд, Рома и Рокхемптон (1876), Кернс и реката Барон (1877), Беленден Кер (1889), реката Џорџина (1895), Торесовиот Проток (1897) и Британска Нова Гвинеја (1898). Бејли бил награден со Кларков медал од Кралското друштво на Нов Јужен Велс во 1902 година, а во 1911 година бил прогласен за CMG (Придружник на Редот на Свети Михаил и Свети Ѓорѓи). Бејли починал на 25 јуни 1915 година во Кенгуру Поинт, Бризбејн. [1][4] Погребан е на гробиштата во Јужен Бризбејн.
Наследство
[уреди | уреди извор]Околу 50 видови растенија кои ги открил се именувани по него, вклучувајќи ги Acacia baileyana и Grevillea baileyana.[6] Неговиот син, Џон Фредерик Бејли, бил директор на ботаничката градина во Бризбејн, а потоа и во Аделаида, а Сирил Тенисон Вајт, владин ботаничар на Квинсленд, бил негов внук и ученик-асистент во 1905 година.[4]
Наводи
[уреди | уреди извор]- 1 2 „Colonial botanist dead“. The Telegraph (Brisbane) (13, 289). Queensland, Australia. 25 June 1915. стр. 7 (Second edition). Посетено на 23 December 2022 – преку National Library of Australia.
- ↑ „Mr. F. Manson Bailey“. Queensland Agricultural Journal. 4: 84–86. 1915. Посетено на 7 December 2025.
- 1 2 3 4 5 6 Johnston, Harvey T. (1916). „Frederick Manson Bailey“. Proceedings of the Royal Society of Queensland. 28: 3–10. Посетено на 7 December 2025.
- 1 2 3 4 5 6 Marks, Elizabeth N. Frederick Manson Bailey (1827–1915). Australian Dictionary of Biography. Посетено на 4 June 2024.
- ↑ Bailey, Frederick Manson; Tenison-Woods, Julian E. (1880). „A Census of the Flora of Brisbane“. Proceedings of the Linnean Society of New South Wales. 4: 137–204. Посетено на 8 December 2025.
- ↑ Olde, Peter; Marriott, Neil (1995). The Grevillea Book. 2. Australia: Kangaroo Press. стр. 47–48. ISBN 0-86417-616-3.
- ↑ „Автори“. Меѓународен индекс на растителни имиња. (англиски)
Други извори
[уреди | уреди извор]- Австралиска национална ботаничка градина; Бејли, Фредерик М. (1827–1915)
Надворешни врски
[уреди | уреди извор]- Погледнете ги делата од Ф.М. Бејли во Библиотеката за наследство на биодиверзитетот.
- Запис за Ф.М. Бејли во Таксономска литература II онлајн.
|