Францускиот тестамент

Од Википедија — слободната енциклопедија
Прејди на прегледникот Прејди на пребарувањето
Францускиот тестамент  
АвторАндреј Макин
Наслов на
оригиналот
Le Testament français
ПреведувачБлагоја Велковски-Краш
ЗемјаФранција
Јазикфранцуски
ИздавачТри
Издадена2016
Медиумпечатено издание
Страници272
ISBN978-608-230-453-3

Францускиот тестамент (француски: Le Testament français) – роман од Андреј Макин со автобиографска инспирација, издаден на 6 септември 1995 година во „Меркир де Франс“, кој истата година ја добил Гонкуровата награда, Гонкуровата награда за гимназијалци и наградата Медичи (поделена со „Мајчин јазик“ од Василис Алексакис).

На македонски јазик е издадена во 2016 година од издавачката куќа Три со превод од Благоја Велковски-Краш[1].

Историја[уреди | уреди извор]

Во ноември 1995 година романот, веќе лауреат на наградата Медичи, ја добива Гонкуровата награда во првиот круг на гласање со шест гласа против четири за „Ла суј“ од Франц-Оливје Жизбер[2]. Исто така ја добива Гонкуровата награда за гимназијалци. Добивање на вака споени три награди е многу ретко.

Содржина[уреди | уреди извор]

Шарлота, жена со француско потекло која меѓу двете војни емигрирала во Сибир со мајка ѝ, му раскажува на својот внук Алјоша за Париз и Франција од нејзиното детство каде што таа пораснала. Малку по малку, овој ја впива француската култура преку јазикот и расказите на својата баба. За него, раскажаната Франција станува вистинскаАтлантида, каде на пример во бистрото „Кај ратафија од Неји“, спомнатата „ратафија“[3] се служи во сребрени школки. Оваа двојна франко-руска сензибилност, островче на различноста внатре во него, ќе му тежи (неговите руски другари ја забележуваат и санкционираат оваа разлика), потоа ќе го збогати, ќе го порасне и ќе го турне кон Франција.

Овој роман на франкофонски Русин не е само приказна за неговиот однос кон Франција, туку е исто така широка трагична фреска за животот на населението низ огромните рамници на Сибир во советската ера. Во него се преплетуваат глад, насилство, екстремни услови за живот, прва љубов, радост и надеж.

Наводи и забелешки[уреди | уреди извор]

  1. Францускиот тестамент на семрежното место на Три
  2. Du côté de chez Drouant : Le Goncourt de 1979 à 2002 émission de Pierre Assouline sur France Culture le 24 août 2013.
  3. вид алкохолен пијалак