Франкенштајн (филм од 2025)

Франкенштајн
Плакатот на филмот
Режисер	Гиљермо дел Торо
Продуцент	Гиљермо дел Торо Гари Унгар Џ. Мајлс Дејл
Сценарист	Гиљермо дел Торо
Заснован на	Франкенштајн од Мери Шели
Главни улоги	Оскар Ајзак Џејкоб Елорди Мија Гот Ларс Микелсен Дејвид Бредли Чарлс Денс Кристоф Валц Феликс Камерер
Музика	Александре Деспла
Кинематографија	Дан Лаустсен
Монтажа	Еван Шиф
Студио	Double Dare You Demilo Films Bluegrass 7
Дистрибутер	Netflix
Премиера	30 август 2025 (82. венецијански кинофестивал) 17 октомври 2025 (САД)
Времетраење	150 минути
Земја	САД
Јазик	англиски + македонски (титла)
Буџет	120 милиони долари

Франкенштајн (англиски: Frankenstein) — игран, темно-фантастичен готски филм од 2025 г., на американскиот режисер Гиљермо дел Торо. Главните улоги во филмот ги толкуваат Оскар Ајзак, Џејкоб Елорди и Мија Гот.

Филмот ја имал својата светска премиера во главната конкуренција на 82. венецијански меѓународен кинофестивал на 30 август 2025 г. Потоа следело ограничено прикажување во киносалите на 17 октомври 2025 г., додека светски бил достапен преку Netflix на 7 ноември 2025 г.

Содржина

Книжевна основа за сценариото послужил готскиот роман на Мери Шели, „Франкенштајн“ (англ. Frankenstein).

Негов главен лик е научникот по име Виктор Франкенштајн, кој создава вештачки човек (или чудовиште), но подоцна се откажува од него. Поради тоа, безименото чудовиште почнува да го прогонува својот творец.

Улоги

Глумец	Улога
Џејкоб Елорди	чудовиштето на Франкенштајн
Оскар Ајзак	Виктор Франкенштајн
Мија Гот	Елизабет Лавенца
Кристоф Валц	Хенрих Харландер
Феликс Камерер	Вилијам Франкенштајн
Лорен Колинс	Клер Франкенштајн
Ларс Микелсен	капетан Андерсон
Дејвид Бредли	слепиот човек
Берн Горман	Фриц
Чарлс Денс	Леополд Франкенштајн
Ралф Ајнесон	професор Кремпе

Надворешни врски

• Франкенштајн (филм од 2025) на Семрежната филмска база на податоци (англиски)