Фосфолипаза Ц

Места на расцепување на фосфолипази. Ензимите на фосфолипаза C го сечат делот пред фосфатната група врзана за остатокот од молекулата (R3).

Фосфолипазата Ц (PLC) ― класа на мембрански поврзани ензими кои ги раскинуваат фосфолипидите непосредно пред фосфатната група (видете ја сликата). Ензимот игра важна улога во физиологијата на еукариотските клетки, особено во патиштата за трансдукција на интрацелуларни сигнали. Улогата на фосфолипазата Ц во трансдукцијата на сигналот е нејзиното разложување на фосфатидилинозитол 4,5-бисфосфат (PIP₂) на диацил глицерол (DAG) и инозитол 1,4,5-трисфосфат (IP₃), кои служат како секундарни гласници. Активаторите на поединечни PLC се разликуваат, но обично вклучуваат хетеротримерни G протеински подгрупи, протеински тирозин кинази, мали G протеини, Ca2 ⁺ и фосфолипиди.

Постојат тринаесет видови на фосфолипаза C кај цицачите кои се класифицирани во шест изотипови (β, γ, δ, ε, ζ, η) според структурата. Секој PLC има уникатни и преклопувачки контроли врз експресијата и субцелуларната дистрибуција. Сепак, PLC не е ограничен само на цицачи, туку е присутен и кај бактерии.