Филмски плакат

Од Википедија — слободната енциклопедија
Прејди на: содржини, барај
Филмски плакат за македонскиот игран филм Бал-кан-кан
Филмски плакат за филмот Монти Пајтон и Светиот Грал

Филмски плакат, или плакат за филм е плакат чија главна цел е промоција на некое филмско дело. Најчесто тие содржат впечатлива слика која треба да го зголеми интересот кај населието за дадениот филм. Претежно на овие плакати се среќаваат главните ликови од филмот или некоја впечатлива сцена. Често се среќаваат и комбинации од повеќе сцени. Порано се користеле цртежи наместо слики, поради техничките можности.

Освен слика, тие содржат и текст кој скоро секогаш е составен од имињата на главните глумци, режисерот и насловот на филмот пропратен со некој слоган или впечатлива реченица. Најчесто тука е и датумот на издавање или премиерата во кино. Филмските плакати најчесто се објавуваат пред или во кино салите, како и надвор во трговски центри или фреквентни улици. Истата слика често се користи и за флаери и памфлети или друг рекламен матерјал со поинаква големина. Филмските плакати се стари колку и филмовите, со тоа што на почетокот на 20тиот век тие биле едноставни илустрации од некоја сцена или пак уметничка интерпретација на некое случување од филмот или општо ја обработува филмската тема.

Колекционерство[уреди]

Колекционерството или собирањето на филмски плакати како спомен и сеќавање се среќава заедно со собирањето на автограми, фотографии, поштенски марки и други видови на специфични работи. Собирањето на филмски плакати најмногу се раширило по Втората светска војна. Ентузијастичните колекционери започнале со собирање на филмски плакати иако имало популарни биле и разни видови на памфлети, списанија, специфични салфети и слично. Колекционерството на филмски плакати е распростането и во Република Македонија. [1]

Наводи[уреди]

  1. http://www.novamakedonija.com.mk/NewsDetal.asp?vest=1115101110314&id=49&setIzdanie=22133 - статија од весникот Нова Македонија за колекционерот Стојан Петроски од Кичево, објавена на 15.11.2010