Фати Хасан

Фати Хасан (роден на 10 мај 1957 година) - бил египетски уметник, познат по неговите инсталации кои го вклучуваат пишаниот збор.

Фати Хасан се смета за најважниот африкански и муслимански сликар во историјата на модерната и современата уметност.

Биографија

Фати Хасан бил роден во Каиро во 1957 година како втор син во нубиско семејство. Неговиот татко Хасан бил Суданец, а неговата мајка Фатма била од регионот на езерото Тошка во јужен Египет. Учел во училиштето Керабија во Каиро, каде се запознал со скулпторот Галеб Катер.

Во 1979 година, Хасан добил грант од Италијанскиот културен институт во Каиро и се преселил во Неапол. Се запишал на Академија ди Беле Арти во 1980 година за да студира сценографија. Дипломирал во 1984 година со дисертација за влијанието на африканската уметност во кубизмот. Додека студирал и во годината по дипломирањето, Хасан работел како актер и сценограф во РАИ.

Во 1989 година Хасан бил првиот уметник од африканско наследство кој бил поканет на 43-то Венециско биенале. Изложувал во бројни галерии во Италија, Белгија, Данска, Германија, Франција, Египет и САД. 

Работата на Хасан често ја нагласува динамиката на моќта и односот помеѓу усниот и пишаниот збор; црпејќи од неговото нубиско наследство, тој ставил посебен акцент на губењето на јазикот под доминацијата на колонијализмот. Повеќето од неговите скрипти се засновале на куфичка калиграфија, но останувале намерно нечитливи и невозможно да се дешифрираат.

Хасан живеел и работел во Италија од 1979 година.