Фармацевтски факултет - Скопје
 Зградата на Фармацевтскиот факултет | |
| Основан | 1977 |
|---|---|
| Студенти | 903 |
| Место | Скопје, Република Македонија |
| www.ff.ukim.edu.mk | |
 | |
Фармацевтскиот факултет при универзитетот Св. Кирил и Методиј во Скопје е прва јавна високообразовна установа во Македонија која врши високообразовна, научна и применувачка дејност од областа на фармацевтските науки.
Претставува највисока образовна, научна и здравствена институција од областа на фармацијата во Република Македонија. Сместен е во центарот на Скопје во склоп на Клинички центар – Мајка Тереза (медицински универзитетски кампус) и се простира на вкупна површина од 3000 m2 во кои се сместени 5 институти,7 центри, 11 лаборатории, 4 предавални, е-библиотека и административен оддел.
Основање и постоење
[уреди | уреди извор]Основан е во 1977 година, како резултат на извршените анализи и урврдениот дефицит на фармацевтски кадри во Република Македонија, а за потребите на здравствената дејност, фармацевтско-козметичката индустрија и другите општествени потреби. Одлуката за основање на факултетот е донесена на ден 4.4.1977 година од Универзитетскиот совет на Универзитетот „Кирил и Методиј”, кога е формирана и работната група од еминентни професори и стопански работници кои го изготвија елаборатот за општествено-економската оправданост за основање на Фармацевтски факултет и за отворање на студии по фармација во земјата. Факултетот официјално почнува со работа во ноември 1977 година кога е запишана првата генерација студенти. Првата струдиска програма беше во траење од четири години и по завршувањето се стекнуваше звање дипломиран фармацевт.
Во текот на 40-годишното постоење, Факултетот развил богата дејност во повеќе области, особено во наставно-образовната дејност, во научноистражувачката работа и во стручно-апликативната дејност.
Денес, наставно-образовниот процес на Факултетот, во додипломската настава се одвива во рамките на три студиски програми, петгодишни студии за стекнување звање магистер по фармација и тригодишни студии за дипломирани лабораториски биоинженери и дипломиран диететичар/диетотерапевт. Во постдипломската настава активни се 11 програми од втор циклус студии, 8 програми од специјалистички студии од областите на здравствените специјализации и една програма од трет циклус – докторски студии.Воспоставени се високи критериуми за квалитет и образовни стандарди во студиските програми, предметните содржини, методите на учење и трансфер на знаење, и евалуацијата на стекнатото знење и вештини, компарабилни со оние на врвните европски и светски институции од областа. Факултетот е членка на Европската асоцијација на факултетите по фармација, што му овозможува будно следење на новите трендови во фармацевтската едукација и вложување напори да се биде во чекор со времето и да се одговори на потребите од создавање квалификувани фармацевтски кадри, обучени и оспособени за работа во сите сфери на фармацевтската дејност, усогласено со Европската директива за признавање на квалификации на регулирани професии.
Студиски програми
[уреди | уреди извор]На Фармацевтскиот факултет Скопје постојат следниве додипломски студиски програми:
- магистер по фармација - интегрирани студии од прв и втор циклус во времетраење од 10 семестри
- дипломиран лабораториски биоинжињер - во времетраење од 6 семестри
- диететика и диетотерапија - во времетраење од 6 семестри
Декани
[уреди | уреди извор]|
1981-1982 |
Проф. д-р Исак Таџер – декан Проф. д-р Ефтимија Главаш - продекан |
| 1983-1985 | Проф. д-р Ефтимија Главаш - декан |
| 1985-1994 | Проф.д-р Стеван Бауер - продекан за фармација Во овој период факултетот беше организиран како Отсек за фармација при Медицинскиот факултет во Скопје |
| 1994-1998 | Проф. д-р Кирил Доревски – декан Проф. д-р Томислав Ристов – продекан Проф.д-р Љубица Шутуркова - продекан |
| 1998-2004 | Проф.д-р Љубица Шутуркова – декан Доц. д-р Светлана Кулеванова – продекан Доц. д-р Сузана Трајковиќ- Јолевска- продекан |
| 2004 - 2008 | Проф.д-р Светлана Кулеванова – декан Проф. д-р Анета Димитровска – продекан Проф. д-р Александар Димовски - продекан |
| 2008 - 2013 | Проф. д-р Александар Димовски – декан Доц. д-р Кристина Младеновска - продекан |
| 2013 - | Проф.д-р Светлана Кулеванова – декан
Доц. д-р Зоран Стерјев - продекан |
Институти
[уреди | уреди извор]
Во составот на факултетот функционираат следните институти:
- Институт за фармацевтска хемија
- Катедра за фармацевтска хемија
- Катедра за биомолекуларни науки
- Катедра за клиничка и социјална фармација
- Институт за фармацевтска технологија
- Катедра за фармацевтска технологија
- Катедра за биофармација
- Институт за фармакогнозија
- Катедра за фитохемија
- Катедра за фармакогнозија
- Катедра за фармацевтска ботаника
- Институт за применета хемија и фармацевтски анализи
- Катедра за неорганска хемија
- Катедра за органска хемија
- Катедра за аналитичка хемија
- Катедра за инструментални методи
- Катедра за аналитика на лекови
- Институт за применета биохемија
- Катедра за храна и исхрана
- Катедра за токсикологија
- Катедра за биохемија
Надворешни врски
[уреди | уреди извор]
| ||||||||||||||||||||||||||||||||||||||||||||||||||||
