Употреба на загради во македонскиот јазик
Заградите, „(“ и „)“, во македонскиот литературен јазик се употребуваат во следните случаи:
- Зборови, изрази или цели реченици кои придонесуваат да се дообјасни нешто што е речено пред тоа:
- Тој го посетил градот Малме (Шведска).
- Митре извади од црвените бечви (од купечко платно) голема шамија со цвеќиња и го избриша челото.
- Тој зел околу педесет илјади денари (а тоа не е мала сума).
- Дидаскалии во драмите:
- Петре (претходно искашлува): - Тоа не е така.
- Васка (влегува од десната врата): - Добро вечер!
- Реченици, изрази што укажуваат на односот на слушателите кон она што го зборува говорителот:
- Да живее слободата! (долг и силен аплауз).