Универзитетски колеџ (Оксфорд)

Од Википедија — слободната енциклопедија
Колеџи и сали на Оксфордскиот универзитет
Универзитетски колеџ
University College

                     
Име Управникот и асистентите на Колеџот на Големата сала на Оксфордскиот универзитет
Латинско име Magister et Socij Collegij Magnae Aulae Universitatis Oxon.
Именуван по
Основан 1249
Збратимен колеџ Тринити Хол
Управник (Мајстор) Сер Ајвор Кру
Претседател на ДдЗП Алекс Балфин
Додипломци 420
Претседател на НЗП Холи Вокер
Дипломци 144

Грешка во Lua во Модул:Location_map, ред 522: Unable to find the specified location map definition: "Module:Location map/data/Oxford (central)" does not exist
Колеџот на карта на центарот на ОксфордКоординати: 51°45′09″ N; 1°15′07″ W / 51.752453° СГШ; 1.251996° ЗГД / 51.752453; -1.251996
Службена страница
Веслачки клуб
Грб на колеџот

Универзитетскиот колеџ, полно име: Управникот и асистентите на Колеџот на Големата сала на Оксфордскиот универзитет (анг. University College; The Master and Fellows of the College of the Great Hall of the University of Oxford)[1][2]), е еден од составните колеџи на Оксфордскиот универзитет во Англија (аналогно на факултет во други земји). Колеџот тврди дека е најстар во универзитетот, но ова е предмет на спор. Универзитетскиот колеџ е и најголемиот во Оксфорд по број на студенти.

Универзитетскиот колеџ има процентуално највеќе поранешни студенти кои пружаат финансиска поддршка (28% во 2007, највеќе во Оксфорд, Кембриџ, и воопшто во Велика Британија[3]). За својата работа, колеџот добива вкупно 90.5 милиони фунти (2006 г.) [4], што е за малку повеќе од просекот на другите колеџи од групата Оксбриџ.

Колеџот го основал Вилијам Даремски во 1249, и сè до XVI век бил отворен само за асистенти на теологија. Како што колеџот пораснал во големина и финансиска моќ, средновековните градби биле урнати и заменети со сегашниот Главен двор, изграден во XVII век. Иако камен-темелникот бил удрен на 17 април 1634, изградбата прекинала заради Англиската граѓанска војна и истиот бил довршен дури во 1676.[1]. Потоа следел Редклифовиот двор во 1719, а библиотеката била изградена во 1861. Сето време ова бил само машки колеџ, а жените добиле пристап дури во 1979. Колеџот се наоѓа на јужната страна на улицата Хај Стрит, помеѓу испитното одделение на универзитетот и улицата Мегпај Лејн. Од другата страна на комплексот се протега сокакот Лоџик Лејн, каде со векови е сместен одделот за логика. Северно од него, директно преку улицата Хај Стрит се наоѓа Краличиниот колеџ.

Во рамките на колеџот има специјално изграден објект, наречен Шелиев споменик (Shelley Memorial), каде стои статуа на поетот Перси Биш Шели — поранешен студент на колеџот, кој бил истеран од таму заради неговото дело „Неопходноста од атеизмот“.


Некои познати поранешни студенти[уреди | уреди извор]

Други значајни врски[уреди | уреди извор]

Иако не биул член на Унверзитетскиот колеџ, научникот Роберт Бојл (наречен „првиот современ хемичар“) и неговиот помошник (Роберт Хук, архитект, биолог, откривач на клетките) живееле во Дип Хол (тогаш во сопственост на Крајст Черч). Бојл дал придонеси кон довршувањето на салата на колеџот во средината на XVII век.[1]

Прочуениот јазичар Семјуел Џонсон бил чест посетител на колеџот во XVIII век.[1]

Публикации[уреди | уреди извор]

University College Record“ е годишник за алумните на Универзитетскиот колеџ кој излегува секоја есен. Во него се соопштуваат разни новости во врска со колеџот и неговите клубови и друштва. На крајот на секое издание има и некролог на поранешни студенти.

Збратимен кембрички колеџ[уреди | уреди извор]

Многу оксфордски и кембрички колеџи се неформално 'збратимени'. Универзитетскиот колеџ е збратимен со Тринити Хол, Кембриџ.

Наводи[уреди | уреди извор]

  1. 1,0 1,1 1,2 1,3 Darwall-Smith, Robin, A History of University College, Oxford. Oxford University Press, 2008. ISBN 978-0-19-928429-0.
  2. Carr, William, Универзиттски колеџ, Раутлеџ, 1998. ISBN 978-0-415-18632-2.
  3. Lord Adonis, Education Minister, 2008
  4. Приходи на Оксфордските колеџи, 1973-2006 (јули 2007)
  • University College Record“, службениот годишникна Универзитетскиот колеџ, Оксфорд. Изданија 1996, 1999, 2001, 2003, 2004.

Поврзано[уреди | уреди извор]

Надворешни врски[уреди | уреди извор]