Улштет-Кирххазел до 2018 година била најголема општина во округот Залфелд-Рудолштат, сместена во североисточниот дел на округот. На југ од општината се наоѓа долината Зале, во која се наоѓаат местата Катаринау, Колквиц, Вајсен, Рикерсдорф и Нидеркросен (десен брег), како и Кирххазел, Ецелбах, Улштет и Цојч (лев брег). Сите други места се наоѓаат на висорамнината Илм-Зале. Западните места се граничат со градот Рудолштат и со тоа се привлечни за станбени и стопански зони, отколку другите места во општината.
Највисока точка во општинското подрачје е близу 450 метри, додека височината во долината на Зале изнесува околу 190 метри.
Општината Улштет-Кирхазел била основана на 1 јули 2002 година со спојување на општините Бојтелсдорф, Дорндорф, Енгерда, Кирхазел, Нидеркросен, Ределвиц, Шлоскулм, Шмиден, Тајхвајден, Улштет и Цојч. На 1 декември 2007 година, општините Гроскохберг и Хајлинген станале дел од општината Улштет-Кирхазел.