Тур де Франс 2020

Од Википедија — слободната енциклопедија
Тур де Франс 2020 Cycling (road) pictogram.svg
Tadej Pogačar (2020-09-20) - Yellow jersey - Tour de France 2020.jpg
Детали за трката
Издание107. Тур де Франс
НатпреварувањеСветска турнеја на UCI 2020 2.UWT
Етапи21
Датуми29 август – 20 септември
Растојание3.484,2 км
ДржаваFRA Франција
ПоаѓалиштеНица
ОдредиштеПариз
Екипи22
Возачи на почеток176
Возачи на крај146
Просечна брзина40,22 км/ч
Добитници на наградите
ПобедникSLO Тадеј Погачар[2] (ОАЕ Емирати) Wikidata-logo S.svg
ВторопласиранSLO Примож Роглич[3] (Џамбо-Висма) Wikidata-logo S.svg
ТретопласиранAUS Ричи Порт (Трек-Сегафредо) Wikidata-logo S.svg
БодовенIRL Сем Бенет (Декојнинк-Квик Степ) Wikidata-logo S.svg
ПланинскиSLO Тадеј Погачар[2] (ОАЕ Емирати) Wikidata-logo S.svg
МладинскиSLO Тадеј Погачар[2] (ОАЕ Емирати) Wikidata-logo S.svg
БорбеностSUI Марк Хирши[1] (Санвеб) Wikidata-logo S.svg
ЕкипенESP Мовистар Wikidata-logo S.svg
Route of the 2020 Tour de France.png
◀20192021
Commons-logo.svgДокументација Wikidata-logo S.svg

Тур де Франс 2020 (познато и како: Трка околу Франција 2020) — 107. издание на велосипедската голема трка Тур де Франс, која првично требала да започне на 27 јуни 2020 година, но била одложена до 29 август 2020 година поради пандемијата на КОВИД-19 во Франција. Трката започнала во Ница на 29 август и завршила традиционално на Шанзелизе на 20 септември.[4] Вкупно 176 возачи од 22 екипи учествувале на трката. Крајниот генерален пласман бил освоен по првпат од Словенец, Тадеј Погачар од екипата ОАЕ Тим Емирати. Неговиот сонародник Примож Роглич (Џамбо-Висма) завршил втор, додека Австралиецот Ричи Порт (Трек-Сегафредо) завршил трет.

Александер Кристоф го освоил масовниот спринт на првата етапа со што ја освоил првата жолта маичка на трката. Жилијан Алафилип, кој ја предводел минатогодишната трка, го презел водството на трката по втората етапа. Алафилип добил 20 секунди казна откако добил храна преблизу до целта на петтата етапа и го изгубил водството од Адам Јејтс. Јејтс го одржал водството четири етапи пред да загуби значително време на планинската деветта етапа, предавајќи го водството на Роглич. Роглич ја носел жолтата маичка единаесет етапи, но бил претекнат од Погачар во текот на претпоследната етапа 20, хронометар. На традиционалната етапа на Шанзелизе, Погачар го одржал неговото водство на последната етапа.

Бодовниот пласман бил освоен од возачот на екипата Декојнинк-Квик Степ, Сем Бенет, со што тоа било првпат Петер Саган да не го освои бодовниот пласман, иако ја завршил трката. Планинскиот пласман и пласманот за млад возач исто така биле освоени од Погачар, правејќи го првиот возач кој ги освоил жолтата, точкастата и белата маичка во истата година. Погачар е првиот возач кој освоил три различни маички од Едир Меркс во 1972 година, прв возач од Лорен Фињон во 1983 година кој го освоил Тур на неговиот прв настап и прв возач од Кедел Еванс во 2011 година кој ја освоил жолтата маичка на претпоследната етапа на трката.[5]

Мовистар Тим го освоиле екипниот пласман трета година по ред. Марк Хирши од Тим Санвеб бил прогласен за најборбен возач на целата трка. Погачар освоил најмногу етапи, вкупно три.

Одложување[уреди | уреди извор]

Тур 2020 била во опасност да биде откажана како последица на пандемијата на КОВИД-19[6] поради што се одржал виртуелен Тур користејќи ја платформата Звифт.[7] На 14 април 2020 година, Меѓународниот велосипедистички сојуз (UCI) објавиле дека Тур 2020 ќе започне на 29 август 2020 година, додека Џиро д’Италија и Вуелта а Еспања ќе се одржат во октомври.[8]

Екипи[уреди | уреди извор]

Презентацијата на екипите во Ница

Изданието во 2020 година имало вкупно 22 екипи. Бидејќи Тур де Франс е настан од Светската турнеја, сите деветнаесет UCI World Tour екипи биле автоматски поканети и се обврзани да учествуваат на трката.[9] Дополнително, организаторот на трката, поканиле три професионални континентални екипи да учествуваат на настанот. Екипите биле објавени на 7 јануари 2020 година. Секоја екипа имала право на осум возачи во составот, со што 176 возачи ја започнале трката во Ница. На крајот, 146 возачи ја поминале целта на Шанзелизе во Париз.[10]

Екипи од Светската турнеја на UCI (19)ProTeams (3)

Поврзано[уреди | уреди извор]

Наводи[уреди | уреди извор]

  1. (fr) Tour de France : Marc Hirschi (Sunweb) remporte le prix du Super Combatif, lequipe.fr, 19 септември 2020.
  2. 2,0 2,1 2,2 (fr) Tour de France 2020 : un jeune vainqueur, Tadej Pogacar, et de vieux doutes, lemonde.fr, 21 септември 2020.
  3. (fr) Primoz Roglic : « On verra dans l'avenir si je peux encore gagner un Tour », lequipe.fr, 20 септември 2020.
  4. „Tour de France to go ahead at end of August after coronavirus delay“. BBC Sport. Посетено на 15 April 2020.
  5. „Fact Box Tour de France Champion Tadej Pogacar“. Stephanie Mahe of Reuters. 20 September 2020. Архивирано од изворникот 2 November 2020.
  6. „Tour de France set to be postponed amid coronavirus pandemic“. BBC Sport. Посетено на 14 April 2020.
  7. „Virtual Tour de France“.
  8. „UCI reveal new mens and womens post-COVID-19 race calendar“. Cyclingnews.com. 5 May 2020. Посетено на 5 May 2020.
  9. „UCI Cycling Regulations: Part 2: Road Races page 110 article 2.15.127“ (PDF). uci.ch. Меѓународен велосипедистички сојуз. Архивирано од изворникот (PDF) на 2 јули 2015. Посетено на 20 август 2015.
  10. „Teams selected for the 2020 Tour de France“. Тур де Франс. Amaury Sport Organisation. Посетено на 7 January 2020.

Белешки[уреди | уреди извор]

Извори[уреди | уреди извор]

Надворешни врски[уреди | уреди извор]