Туријасаурус
| Туријасаурус Период: Кимериџ | |
|---|---|
| |
| Реплика на скелетот | |
| Научна класификација | |
| Царство: | Животни |
| Колено: | Хордати |
| Класа: | Влекачи |
| Надред: | Диносауруси |
| Ред: | Сауришија |
| Подред: | †Сауроподоморфија |
| Инфраред: | †Сауропода |
| Нерангирано: | †Еусауропода |
| Семејство: | †Туријасаурија |
| Род: | †Туријасаурус Рајо Торес и сор., 2006 |
| Вид: | T. riodevensis |
| Научен назив | |
| †Turiasaurus riodevensis Рајо Торес и сор., 2006 | |
Туријасаурус (што значи „гуштер Турија“) — род на сауроподски диносауруси. Познат е од еден фосилен примерок кој ги претставува видовите Turiasaurus riodevensis, пронајден во формацијата Вилар дел Арзобиспо на Теруел, Шпанија.
Опис[уреди | уреди извор]
Се верува дека Туријасаурус е најголемиот диносаурус некогаш пронајден во Европа и е меѓу најголемите познати диносауруси. Првично беше проценето на 36 до 39 метри во должина и со тежина од 40 до 48 тони,[1] комбинирана тежина од шест или седум возрасни машки слонови. Поновите проценки укажуваат на должина од 30 метри во должина, но споредлива тежина е 50 тони.[2] Должината на неговиот череп е 70 сантиметри, што не е премногу голем. Според палеонтологот Луис Алкала, тоа е затоа што поголема глава може да предизвикало на Туриасаурусот да му скршил вратот.[3]
Филогенетската анализа покажува дека Туријасаурус лежи надвор од поделбата на Неосауропода и припаѓа на новиот клад, Туријасаурија, заедно со Лосиласаурус и Галвеосаурус.[1]
Историја[уреди | уреди извор]
Фрагментарни остатоци од ова животно, вклучувајќи артикулиран лев екстремитет (холотип), фрагменти на черепот, заби, пршлени и ребра, се пронајдени во копнените наслаги на формацијата Вилар дел Арзобиспо. Преден екстремитет од Португалија[4] сега се гледа како Zby atlanticus.[5] Типскиот вид, Turiasaurus riodevensis, бил формално опишан од Ројо-Торес, Кобос и Алкала, во 2006 година.[1] Во раните 2010-ти, биле извршени ископувања источно од Мадрид, кои открија најкомплетен фосил од такви суштества во целиот свет.[6]
Наводи[уреди | уреди извор]
- ↑ 1,0 1,1 1,2 Royo-Torres, R., Cobos, A., and Alcalá, L. (2006). "A Giant European Dinosaur and a New Sauropod Clade." Science 314: 1925-1927.
- ↑ Paul, G.S., 2010, The Princeton Field Guide to Dinosaurs, Princeton University Press.
- ↑ „El Turiasaurus“. El Mundo. 2012.
- ↑ Mateus, O. (2009). The sauropod Turiasaurus riodevensis in the Late Jurassic of Portugal. Journal of vertebrate Paleontology, 29.
- ↑ Octávio Mateus, Philip D. Mannion & Paul Upchurch (2014) Zby atlanticus, a new turiasaurian sauropod (Dinosauria, Eusauropoda) from the Late Jurassic of Portugal, Journal of Vertebrate Paleontology, 34:3, 618-634, DOI: 10.1080/02724634.2013.822875
- ↑ „Největší dinosaurus moc nemyslel, zato pořádně jedl“. excavations. seznam. Архивирано од изворникот на 2018-02-15. Посетено на 21 April 2012.
Надворешни врски[уреди | уреди извор]
- BBC report on Turiasaurus
- Fact-Sheet with picture (in german)
- Fundación Conjunto Paleontológico de Teruel
