Трнаниќ

Од Википедија — слободната енциклопедија
Трнаниќ
Трнаник

Воздушен поглед на местото на раселеното село Трнаниќ

Трнаниќ во рамките на Македонија
Трнаниќ
Местоположба на Трнаниќ во Македонија
Трнаниќ на карта

Карта

Координати 41°29′54″N 20°29′10″E / 41.49833° СГШ; 20.48611° ИГД / 41.49833; 20.48611Координати: 41°29′54″N 20°29′10″E / 41.49833° СГШ; 20.48611° ИГД / 41.49833; 20.48611
Регион  Југозападен
Општина  Дебар
Област Горен Дебар
Население 0 жит.
(поп. 2021)[1]

Пошт. бр. 1250
Повик. бр. 046
Шифра на КО
Надм. вис. 540 м
Трнаниќ на општинската карта

Атарот на Трнаниќ во рамките на општината
Трнаниќ на Ризницата

Трнаниќ (традиционално: Трнаник или Тараник) — раселено село во Општина Дебар, во областа Горен Дебар, во околината на градот Дебар.

Потекло и значење на името[уреди | уреди извор]

Ливада кај местото на Трнаниќ

Името на селото првпат е забележано во XVI век (1583 г.) во турски документи како Трновник. Подоцна се сретнува и со имињата Трњаник и Тараник. Името потекнува од трнарник, место каде што растат трње, или пак од трнен, штоа доаѓа од старословенскиот јазик со значење полн со трње.[2]

Бранислав Русиќ во својата книга „Дебарско Поле“ забележал дека мештаните селото си го именуваат како Тараник или Таранајк, додека Македонците од соседните села го именуваат како Трнаник. Името го добило по многуте трња на тоа место пред создавањето на селото.[3]

Географија и местоположба[уреди | уреди извор]

Селото се наоѓа во југозападниот дел на територијата на Општина Дебар, а чиј атар се допира со државната гранична линија со Албанија.[4] Селото е рамничарско, сместено на надморска височина од 540 метри.[4]

Селото се наоѓа во областа Горен Дебар, во Дебарското Поле. Самото Трнаниќ се наоѓа на најзападниот раб на неговиот атар, помеѓу селото Бомово на северозапад и устието на Црн Дрим во Дебарското Езеро со ХЕЦ „Шпилје“ на југоисток. Југозападниот дел од атарот ја образува државната граница со Албанија која врви по Црн Дрим; преку реката (границата) е македонското Трбач од областа Голо Брдо.

Земјиштето на Трнаниќ е во блага надолнина кон Црн Дрим. Низ него поминува потокот Прој, кој настанува од повеќе извори. Земјата е главно црвеница.[3]

Трнаниќ всушност бил заселок на селото Бомово, а и денес се наоѓа во неговиот атар. Бил составен од три поединечни целини на куќи, кои биле оддалечени една од друга и сместени на обата брега на долината. Во секоја целина на куќи имало по една чешма: Чешма Верајн ве Епр, Чешма Алил-Кабас и Чешма е Данит (Рамаданова). Куќите се свртени кон падот на земјиштето и главно се изградени од чатми.[3]

До селото води локален земјен пат, кој се исклучува од регионалниот пат 1201 од самиот град Дебар.

Историја[уреди | уреди извор]

Местото на кое било основано селото припаѓало на дебарските бегови Пустина и Алил-Каба.[3]

Традиционално било маало на селото Бомово и затоа не е попишувано сè до 1971 година.

Стопанство[уреди | уреди извор]

Атарот на селото (заедничкиот со Бомово) зафаќа простор од 5,1 км2.[4]

Мештаните се занимавале со земјоделство.[3]

Население[уреди | уреди извор]

Население во минатото
ГодинаНас.±%
1948—    
1953—    
1961—    
197145—    
19810−100.0%
ГодинаНас.±%
199100.00%
199400.00%
200200.00%
202100.00%

Селото било наполно раселено по 1971 година, когашто броело 45 жители, албанско население.[4] Сè до пописот од 1971 година (воедно и последна со население) не наоѓаме одделни податоци за Трнаниќ, бидејќи дотогаш се сметало за маало на Бомово.[б 1]

Според пописот од 2002 година, во селото Трнаниќ немало жители.[5] Истото било потврдено и на последниот попис од 2021 година.

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население [б 1] [б 1] [б 1] 45 0 0 0 0 0
Извор за 1900 г.: Македонија. Етнографија и статистика.[6]; за 1905 г.: La Macédoine et sa Population Chrétienne.[7]; за 1948-2002 г.: Државен завод за статистика на РМ.[8]; за 2021 г.: Државен завод за статистика на РМ.[9]

Родови[уреди | уреди извор]

Трнаниќ било албанско село.[3]

Според истражувањата од 1954 година, родови во селото биле:

  • Албански родови:
    • Доселеници: Марке или Марковци (6 к.), доселени биле од соседното село Бомово, каде припаѓале на истоимениот род, подалечно потекло од Зогаја во Малесија. Тие се доселиле на чифлиците на дебарските бегови.

Иселеништво[уреди | уреди извор]

Денес, целото население на селото е иселено, но нема податоци каде се заминати мештаните.

Самоуправа и политика[уреди | уреди извор]

Кон крајот на XIX век, Трнаниќ било село во Дебарската каза на Отоманското Царство.

Селото влегува во рамките на Општина Дебар, која била проширена по новата територијална поделба на Македонија во 2004 година. Во периодот од 1996-2004 година, селото исто така припаѓало на некогашната Општина Дебар.

Во периодот од 1955 до 1996 година, селото се наоѓало во рамките на големата општина Дебар.

Во периодот 1952-1955, селото било во рамките на тогашната Дебарска градска општина, во која влегувал градот Дебар и селата Баниште, Бомово, Елевци, Коњари, Кривци, Рајчица, Селокуќи, Спас и Хаме. Во периодот 1950-1952 година селото било дел на некогашната Општина Коњари, во која влегувале селата Бомово и Коњари.

Избирачко место[уреди | уреди извор]

Селото е опфатено во избирачкото место бр. 0544 (заедно со дел од градот Дебар) според Државната изборна комисија, сместено во простории на Општествениот дом „Скопје“ во Дебар. Во ова избирачко место е опфатено и селото Бомово.[10]

На локалните избори во 2021 година, на ова избирачко место биле запишани вкупно 835 гласачи.[11]

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. Иванова, Олга (2014). Речник на имињата на населените места во Р. Македонија : (Б,Ѓ,Е,Ј,Н,Р,Т,Ќ,У,Ф,Х,Џ,Ш). Скопје: Институт за македонски јазик „Крсте Мисирков“. стр. 178. ISBN 978-608-220-026-2.
  3. 3,0 3,1 3,2 3,3 3,4 3,5 Русиќ, Бранислав (1954). Дебарско Поле. Скопје: Филозофски факултет - Скопје. стр. 176.
  4. 4,0 4,1 4,2 4,3 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 301.
  5. „Попис на Македонија“ (PDF). Завод за статистика на Македонија. 2002. Посетено на 2 јануари 2023.
  6. К’нчов, Васил. „Македонија. Етнографија и статистика“. Софија, 1900
  7. Brancoff, D.M. „La Macédoine et sa Population Chrétienne“. Paris, 1905.
  8. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  9. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  10. „Описи на ИМ“. Архивирано од изворникот на 2023-08-17. Посетено на 16 јануари 2023.
  11. https://rezultati2021lokalni2krug.sec.mk/mk/mayr/r/11-492. Посетено на 16 јануари 2023. Отсутно или празно |title= (help)
Забелешки
  1. 1,0 1,1 1,2 1,3 Податоците за населеното место Трнаниќ, согласно важечката територијална организација, во пописите од 1948, 1953 и 1961 година се вклучени во податоците за населеното место Бомово.

Надворешни врски[уреди | уреди извор]