Тринеделница

Тринеделница (Беин амецарим хебрејски: בין המצרים ) — период на жалење во спомен на уништувањето на првиот и вториот Еврејски храмови. Тринеделницата започнува на седумнаесеттиот ден на месецот тамуз, постот на Шива асар бетамуз и крајот е на деветтиот ден од месецот ав, со постот три недели подоцна наречен Тиша беав. И двата поста ги одбележуваат настаните поврзани со уништувањето на двата храма и подоцнежното протерување на евреите од Израел. Според традиционалното сметање на времето, уништувањето на првиот Храм од страна на Навуходонозор II, во 586 година п.н.е. и уништувањето на вториот Храм од страна на римјаните, во 70 година. Еврејското времесметање, сепак, го сместува уништувањето на првиот Храм во 421 година п.н.е. (Погледајте Години кои недостасуваат (еврејски календар))

Чествување

Жалосните чествувања за време на трите недели се поделени на четири нивоа, зголемувајќи се по интензивност:

1. Од седумнаесетти тамуз па до крајот на тамуз
2. Од Рош ходеш па се со неделата кога е Тиша беав
3. Неделата кога е Тиша беав па сè до осми ав
4. Денот кога е Тиша беав

Вообичаените ашкеназиски обичаи, или минаг, ја ограничуваат должината на косата, бричењето и слушањето на музика, иако заедниците и самите лица поединечно имаат различен начин на почитување на овие обичаи. Во овој период не се склучуваат бракови или пак се одржуваат прослави, бидејќи радоста од таквиот настан ќе биде во спротивност со очекуваното жалоствено однесување во овој период.

Многу ортодоксни евреи се воздржуваат од јадење на месо за време на Деветдневницата која започнува од првиот ден на месецот ав и трае до средината на денот по постот за деветти ав, што се заснова на верувањето дека храмот горел токму во тој период.

Време на опасности

Тринеделницата е период на несреќа, бидејќи многу несреќи и трагедии му се случиле на еврејскиот народ во тој период. Трагедии кои се случиле во овој период се: кршењето на десетте заповеди од страна на Мојсеј, кога видел дека луѓето го обожуваат златното теле, палењето на Сефер Тората од страна на Апостомиј за време на ерата на Вториот Храм, уништувањето на двата храма за време на Тиша беав,протерувањето на евреите од Шпанија на Тиша беав 1492 година, и почетокот на Првата светска војна на Тиша беав 1914 година, при која биле раселени голем број на еврејски заедници.

Како резултат на сето гореспоменато, евреите се особено внимаваат да ги избегнат сите опасни ситуации за време на тринеделницата. Вакви настани се: одење до опасни места, удирање на дете или ученик, подложување на оперативен зафат и летање со авион. Обичај е да се одложат и судските случаи по поминувањето на трите недели.

Деветдневница

Главна статија: Деветдневница

Според Мишна (Таанит 4:6 Архивирано на 13 јуни 2010 г.), „од почетокот на ав, радоста се намалува.“ Последните девет денови од трите недели се и првите девет денови од месецот ав, при што истите завршуваат со постот Тиша беав, период на голема ожалостеност според ашкеназиските обичаи. Многу еврејски заедници се воздржуваат од јадење на живина, црвено месо и пиење на вино, носење на свежо испрани алишта и бањање. Сефардите ги почитуваат повеќето од овие забрани но само од неделата пред Тиша беав. Јеменските евреи не ги почитуваат овие обичаи.

Поврзано

• Асирска опсада на Ерусалим
• Соломонов храм
• Втор храм
• Еврејско римски војни
• Западен ѕид
• Деветдневница
• Тиша беав

Надворешни врски

• The Three Weeks Guide (aish.com)
• The Three Weeks Guide (Chabad.org) Архивирано на 21 мај 2004 г.
• The Three Weeks Halacha Database Архивирано на 18 септември 2014 г.