Трајче Ѓоргиев

Трајче Ѓоргиев
Роден	28 јули 1967(1967-07-28) Кочани, СР Македонија, СФРЈ
Починал	3 јуни 2023(2023-06-03) (возр. 55) Скопје, Македонија
Националност	Македонец
Народност	Македонец
Занимање	глумец драмски режисер пантомимичар

Трајче Ѓоргиев (Кочани, 28 јули 1967 — Скопје, 3 јуни 2023) — македонски глумец и драмски режисер, осбено вклучен во пантомимата.

Животопис

Ѓоргиев дипломирал на Факултетот за драмски уметности во Скопје на отсекот за актерска игра во класата на Љубиша Георгиевски во 1991 година. Од 1997 година работел во Македонскиот народен театар (МНТ).

Творештво

Во периодот од 1990 до 2010 година, Ѓоргиев играл во повеќе од 40 претстави, во МНТ, дебитирајќи со улогата на Акаст во „Мизантроп“ во 1989 година. Во својата кариера ги играл улогите на Густав во „Надвор од умот“, Пандар во „Троил и Кресида“, Ивковиќ во „Народен пратеник“, Чинели во „Јануари“, Спасе во „Македонска крвава свадба“, Етјен во „Кројач за дами“, Сапорта Робесвјер во „Мисија“, Благоја Ќелавиот во „Немушт јазик“, Виргински во „Демони“, Силјан во „Писание“, Доктор Финаш во „Болва в уво“, Тетин Јаков во „Госпоѓа министерка“, Бу змијата во „Самовилско јајце“, Комесарот во „Подемот и падот на кабарето“, Фридрих Ниче во „Аферата Елсињор“, Лиходеев во „Мајсторот и Маргарита“, Јанушек во „Прекината одисеја“, Бил Остин во „МАММА МIА!“ и Докторот во „Бесачи“. Исто така, од 1991 година почнал да работи и како театарски и видео режисер, претежно како предводник на театарското студио во Културниот центар во Кочани. Во април 2004 година го режирал својот прв настап на малата сцена на Македонскиот народен театар, а подоцна во 2010 година ја режирал „Вишновата градина“ на големата сцена на МНТ. Работел како режисер во Словенија, Србија и Македонија. Во април 2005 година ги режирал и играл во петте пантомими за глумечката претстава „Човекот“ од Марсел Марсо со која ја стекнал титулата магистер по пантомима на Академијата за театар и филм „НАТФИЗ“ во Софија, Бугарија. Ѓорѓиев бил основач, главен двигател на ПАНФИЗ, меѓународниот фестивал за пантомима. Во својата долгогодишна кариера, тој бил добитник на неколку награди, како: „Гран при“ за најдобра претстава и најдобра режија за претставите „Кралот Иби“ „Настојник“ „Домот на Бернарда Алба“ и други; во 2006 година станал добитник на две големи награди за претставата „Човекот“, и тоа: наградата за најдобра сценска игра на фестивалот „Златен рис“ во Бања Лука и наградата на директорите на фестивалот на Меѓународниот фестивал во Габрово, Бугарија.

Филмографија

Година	Филм	Улога
1990	До-Ре-Ми ТВ-серија
1991	Тврдокорни ТВ-серија
1991	Еурека ТВ-серија	Хорист
1992	Словенски орфеј ТВ-филм	Орфеј
1992	Роза Еирихонска ТВ-филм
1994	Прекалени ТВ-серија	Студент
1994	Бумбари ТВ-серија	Жта
1996	Македонски народни приказни ТВ-серија
1997	Во светот на бајките ТВ-серија
2000	Погрешно време ТВ-серија	Здравко
2001	Светот има осум страни ТВ-серија
2002	Звукот на светлината ТВ-филм	Иван
2003	Чекор пред времето ТВ-филм
2003	Нежната прашина на заборавот ТВ-серија	Христе
2004	Големата вода ТВ-филм	Советник
2005	Обични луѓе ТВ-серија	Огнен
2006	Нави ТВ филм	Марко
2010	Македонски народни приказни ТВ-серија
2011	Турни ме да Кинисам ТВ-серија	Митре
2013	Тврдокорни ТВ-серија	Коте
2014	Приказни од животот ТВ-серија	Атанас
2015	Последниот Македонец ТВ филм
2015	Македонски народни приказни ТВ-серија
2017	Инсајдер ТВ-серија	Огнен
2018	Преспав ТВ-серија	Експертот
2020	Хомо ТВ-филм	Полицаец

Надворешни врски

• Биографија на Трајче Ѓоргиев, Македонски народен театар