Томас Анхел
| Томас Анхел | |||
|---|---|---|---|
| Лични податоци | |||
| Полно име | Томас Анхел Гутиерес | ||
| Роден на | 20 февруари 2003 | ||
| Роден во | Бирмингем, Англија | ||
| Држава |
 Колумбија | ||
| Висина | 1,74 м | ||
| Позиција | напаѓач | ||
| Клупски податоци | |||
| Сегашен клуб |
 Сан Диего | ||
| Број | 9 | ||
| Младинска кариера | |||
.png){kind=small} Атлетико Насионал | |||
| Кариера* | |||
| Години | Клуб | Наст. | (Гол.) |
| 2021-2024 |
Атлетико Насионал | 40 | (6) |
| 2024 |
 ФК Лос Анџелес | 5 | (1) |
| 2024 |
→ Финикс Рајзинг | 15 | (3) |
| 2025- |
Сан Диего | 3 | (0) |
| Репрезентација | |||
| 2021-2023 |
Колумбија 20 | 23 | (10) |
Томас Анхел Гутиерес (роден на 20 февруари 2003, во Бирмингем) е колумбиски фудбалер, напаѓач на Сан Диего.
Биографија
[уреди | уреди извор]Томас Анхел е син на поранешниот фудбалер Хуан Пабло Анхел. Роден е на 20 февруари 2003 година во Бирмингем, додека неговиот татко настапувал во Англија за Астон Вила.[1][2][3] Томас ја наследил својата страст за фудбалот од својот татко кого го придружувал на тренинзите додека тој играл за Њујорк Ред Булс.[4]
Тој има двајца браќа: Херонимо, кој е музичар, актер и модел, и Пасквал кој е исто така фудбалер.[5]
Клупска кариера
[уреди | уреди извор]Почетоци
[уреди | уреди извор]Анхел живеел во САД до десетгодишна возраст, пред да се пресели во Колумбија во 2013 година, продолжувајќи да игра фудбал во академијата на Атлетико Насионал, поранешниот клуб на неговиот татко.[3] Потоа, тој се преселил во Клуб Депортиво Естудијантил, каде што играл под менторство на тренерот Алехандро Рестрепо и редовно бил на врвот на нивните голгетерски листи за време на неговиот напредок низ академијата.[6][7]
Атлетико Насионал
[уреди | уреди извор]На почетокот на 2020 година, Анхел се вратил во Атлетико Насионал, каде што, по добрите настапи за тимот под 17 години, бил поканет да тренира со првиот тим.
Тој го потпишал својот прв договор со клубот во јануари 2021 година, пред да го направи своето деби истиот месец, влегувајќи како замена во второто полувреме за Андрес Андраде во победата со 5–2 над Депортиво Переира во првенството.[8][9] Два месеци подоцна, на 7 март, тој го постигнал својот прв гол за клубот во ремито 1–1 со Агилас Дорадас; набргу по стартот на натпреварот, Анхел ја примил топката од соиграчот Џеферсон Дуке, пред да го избегне стартот и да ја смести топката покрај голманот на Агилас Карлос Бехарано од работ на шеснаесеттникот.[10] Сепак, набргу потоа по заминувањето на тренерот кој му дал можност да дебитира, Алешандре Гимараеш во јуни 2021 година, поранешниот тренер на Анхел во Естудијантил, Алехандро Рестрепо, бил назначен за тренер. И покрај тоа што Рестрепо многу ретко го користел Анхел во првиот тим, младиот напаѓач рекол дека ги почитува одлуките на Рестрепо и дека е подготвен да игра кога ќе му се укаже шанса.[11]
Следната сезона 2022, била тешка за него забележувајќи само 4 настапи под водството на 4 различни тренери. Сепак, последниот од тие четири тренери бразилецот Пауло Аутуори, му укажал можност повторно на Анхел на почеткот на 2023 година, а напаѓачот вратил со 5 гола во Торнео Апертура 2023, по што бил поврзуван со преселба во шпанскиот клуб Барселона.[12] На 16 февруари 2023 година, Анхел влегол од клупата за да постигне два гола и да забележи една асистенција со кој го освел Атлетико Насионал до победата од 4-3 над Депортиво Переира и до освојувањето на Суперлигата на Колумбија 2023.[13] Сепак, откако Аутори го напуштил клубот, неговата замена, Вилијам Амарал, го избрал играчот од младинскиот погон Џејдер Асприља за свој главен напаѓач за Торнео Финалисасион 2023, пред Анхел.[14]
ФК Лос Анџелес и заемот во Финикс Рајзинг
[уреди | уреди извор]На 31 јануари 2024 година, Анхел му се приклучил на американскиот клуб ФК Лос Анџелес во МЛС лигата.[15] Дебитирал за Лос Анџелес на 2 март 2024, заменувајќи го од клупата Матеуш Богуш, во поразот со 3-0 на гостувањето кај Реал Солт Лејк. Својот прв гол за клубот го постигнал на 22 мај 2024, во победата со 3-0 над Лудун Јунајтед во Купот на САД. Неговиот прв гол во МЛС дошол на 22 јуни 2024 година, во победата со 6–2 над Сан Хосе Ертквејкс.[16]
На 2 август 2024 година, Анхел бил позајмен на Финикс Рајзинг во УСЛ првенството за остатокот од сезоната 2024.[17][18] Дебитирал два дена подоцна, играјќи како стартер во поразот со 2-0 од Колорадо Спрингс, а првиот гол го постигнал од пенал на 7 септември 2024, во победата со 1-0 на домашен терен на Тулса. Појзајмицата во Финикс Рајзинг ја завршил со 15 настапи и 3 гола во УСЛ.
Сан Диего
[уреди | уреди извор]На 9 декември 2024 година, Анхел бил разменет во новоформираниот клуб Сан Диего во замена за 200.000 американски долари, при што за парите Сан Диего добиле и право на избор во втората рунда на МЛС Супердрафтот 2025 година.[19] Дебитирал за Сан Диего на 23 февруари 2025, во првиот историски натпревар на клубот во МЛС против актуелните шампиони Лос Анџелес Галакси, влегувајќи како замена во 88-мата минута на местото на Ирвинг Лосано и асистирајќи неколку минути подоцна за вториот гол на Андерс Дрејер за победата со 2-0.
Репрезентативна кариера
[уреди | уреди извор]Анхел дебитирал за колумбијската репрезентација под 20 години во 2021 година. Иако од тогаш редовно бил повикуван, тој изненадувачки бил изоставен од списокот за Јужноамериканското првенство за играчи под 20 години, а селекторот Ектор Карденас изјавил дека тој имал проблеми со коегзистирањето со другите членови на тимот.[20] Во интервју за Каракол Радио, Анхел одговорил, велејќи дека тврдењето на Карденас е „лага“, и дека тој и неговите соиграчи се „почитуваат многу еден со друг“.[21] И покрај несогласувањата, на 9 мај 2023 година, тој бил вклучен од Карденас во списокот на играчи повикани да учествуваат на Светско првенство за играчи под 20 години во Аргентина.[22]
Анхел дебитирал како доцна замена во воведната победа на Колумбија со 2–1 против Израел. Во следниот натпревар против Јапонија, тој влегол на полувремето место Хорхе Кабесас Уртадо и и помогнал на Колумбија да ја надмине негативата од 1–0 за да победи со 2–1, постигнувајќи го вториот гол откако Јасер Асприља претходно го израмнил резултатот.[23] Во осминафиналето против Словачка, Анхел постигнал два гола во победата на Колумбија со 5–1.[24]
Статистика
[уреди | уреди извор]Клупска статистика
[уреди | уреди извор]Статистиката е ажурирана на 31 јануари 2024.
| Сезона | Клуб | Првенство | Национален куп | Континентален куп | Останати купови | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2021 | Атлетико Насионал |
А | 12 | 1 | КК | 3 | 0 | КЛ | 0 | 0 | - | - | 15 | 1 | |
| 2022 | А | 4 | 0 | КК | 1 | 0 | КЛ | 0 | 0 | - | - | 5 | 0 | ||
| 2023 | А | 24 | 5 | КК | 3 | 0 | КЛ | 4 | 0 | СЛ | 1 | 2 | 32 | 7 | |
| Вкупно Атлетико Насионал | 40 | 6 | 7 | 0 | 4 | 0 | 1 | 2 | 52 | 8 | |||||
| 2024 |  ФК Лос Анџелес |
МЛС | 5 | 1 | УСКуп | 2 | 1 | - | - | КЛ | 0 | 0 | 7 | 2 | |
| авг. - дек. 2024 | Финикс Рајзинг |
УСЛ | 15 | 3 | УСКуп | - | - | - | - | - | - | - | 15 | 3 | |
| 2025 | Сан Диего |
МЛС | 3 | 0 | УСКуп | 0 | 0 | - | - | - | - | - | 3 | 0 | |
| Вкупно во кариерата | 63 | 10 | 9 | 1 | 4 | 0 | 1 | 2 | 77 | 13 | |||||
Титули
[уреди | уреди извор]Атлетико Насионал
[уреди | уреди извор]- Апертура 2022
- Куп на Колумбија : 2
- 2021, 2023
- 2023
Наводи
[уреди | уреди извор]- ↑ „Mundial Sub 20: ¿Quién es Tomás Ángel, jugador de la Selección Colombia que clasificó a los octavos de final?“ [Sub 20 World Cup: Who is Tomás Ángel, player of the Colombian National Team that qualified for the round of 16?]. elpais.com.co (шпански). 31 May 2023. Посетено на 21 July 2023.
- ↑ Gómez Martínez, Gustavo (31 May 2023). „Piden a Tomás Ángel en la Premier para que el Bambino Pons le cante "Angeli, Angelitooo"“ [They ask Tomás Ángel in the Premier for Bambino Pons to sing "Angeli, Angelitooo"]. lafm.com.co (шпански). Посетено на 21 July 2023.
- ↑ 3,0 3,1 Uria, Maximiliano (3 June 2023). „Tomás Ángel, el hijo de Juan Pablo: "Mi viejo jugaba con Aimar y Saviola, qué locura"“ [Tomás Ángel, the son of Juan Pablo: "My old man played with Aimar and Saviola, how crazy"]. clarin.com (шпански). Посетено на 21 July 2023.
- ↑ „Tomás y Juan Pablo Ángel se confiesan en SEMANA: su futuro, la relación padre e hijo y las criticas por el apellido“ [Tomás and Juan Pablo Ángel confess in SEMANA: their future, the father-son relationship and criticism for the last name]. semana.com (шпански). 18 June 2023. Посетено на 21 July 2023.
- ↑ Puero, Guillermo (26 May 2023). „Quién es quién en la vida de Tomás Ángel“ [Who is who in the life of Tomás Ángel]. futbolete.com (шпански). Посетено на 21 July 2023.
- ↑ Christenson, Marcus; Powell, Jim; Blight, Garry (8 October 2020). „Next Generation 2020: 60 of the best young talents in world football“. theguardian.com. Посетено на 3 March 2021.
- ↑ „"Es una bendición ser hijo de Juan Pablo": Tomás Ángel habla en esta entrevista de su momento con Nacional“ ["It is a blessing to be the son of Juan Pablo": Tomás Ángel speaks in this interview about his time with Nacional]. elcolombiano.com (шпански). 25 February 2023. Посетено на 21 July 2023.
- ↑ „Tomás Ángel, el hijo de Juan Pablo, firma con Atlético Nacional“ [Tomás Ángel, the son of Juan Pablo, signs with Atlético Nacional] (шпански). 15 January 2021. Архивирано од изворникот на 16 January 2021. Посетено на 21 July 2023.
- ↑ „Así fue el debut de Tomás Ángel con Atlético Nacional“ [This was the debut of Tomás Ángel with Atlético Nacional]. colombia.as.com (шпански). 30 January 2021. Посетено на 21 July 2023.
- ↑ „Siguiendo el camino de su padre: Tomás Ángel anotó su primer gol con Nacional“ [Following his father's path: Tomás Ángel scored his first goal with Nacional]. elespectador.com (шпански). 7 March 2021. Посетено на 21 July 2023.
- ↑ Rios, Serio. „Tomás Ángel motivado para el 2022 con Atlético Nacional“ [Tomás Ángel motivated for 2022 with Atlético Nacional]. nacionalespasion.com.co (шпански). Посетено на 21 July 2023.
- ↑ Lora, Luis (14 June 2023). „Calló bocas y en Barcelona lo quieren: Tomás Ángel dejaría al Atlético Nacional“ [He shut up mouths and in Barcelona they want him: Tomás Ángel would leave Atlético Nacional]. la10.com.co (шпански). Посетено на 21 July 2023.
- ↑ Prieto, Juan Sebastián (16 February 2023). „Atlético Nacional: Tomás Ángel habló tras ser protagonista en la Superliga BetPlay“ [Tomás Ángel spoke after starring in the Superliga BetPlay]. colombia.com (шпански). Посетено на 17 February 2023.
- ↑ Sanchez, Jairo (16 July 2023). „¿Por qué no juega Tomás Ángel en Atlético Nacional con William Amaral?“ [Why doesn't Tomás Ángel play in Atlético Nacional with William Amaral?]. soyverdolaga.com.co (шпански). Посетено на 21 July 2023.
- ↑ „LAFC Signs Colombian Forward Tomás Ángel“. Los Angeles FC. January 31, 2024. Посетено на January 31, 2024.
- ↑ „LAFC move into tie for first in West with rout of Earthquakes“. Yardbarker (англиски). 2024-06-23. Посетено на 2024-06-23.
- ↑ „LAFC Loans Forward Tomás Ángel To Phoenix Rising Of USL“. LAFC.com. Los Angeles FC. Посетено на 2 August 2024.
- ↑ Minnick, J. „Phoenix Rising FC Signs Striker Tomás Ángel on Loan from Los Angeles FC“. PHXRisingFC.com. Phoenix Rising. Посетено на 2 August 2024.
- ↑ „Forward Tomás Ángel Traded To San Diego FC“. Los Angeles FC. December 9, 2024. Посетено на December 9, 2024.
- ↑ González Ruiz, Sergio Iván (17 February 2023). „Tomás Ángel le salió al paso a Héctor Cárdenas: "Es todo mentira"“ [Tomás Ángel came up to Héctor Cárdenas: "It's all a lie"]. bolavip.com (шпански). Посетено на 21 July 2023.
- ↑ Romero, Pablo (18 January 2023). „Tomás Ángel habló duro sobre su ausencia de la sub-20: se desahogó“ [Tomás Ángel spoke hard about his absence from the sub-20: he vented]. eltiempo.com (шпански). Посетено на 21 July 2023.
- ↑ „Convocatoria de la Selección Colombia Sub 20 - Copa Mundial de la FIFA Argentina 2023“ (шпански). Архивирано од изворникот на 28 мај 2023. Занемарен непознатиот параметар
|dead--link=(help); Занемарен непознатиот параметар|datе=(help); Занемарен непознатиот параметар|accesso=(се препорачува|access-date=) (help) - ↑ „Honrarás a tu padre: Tomás Ángel brilla ante los ojos de Juan Pablo“ [You will honor your father: Tomás Ángel shines before the eyes of Juan Pablo]. fifa.com (шпански). 24 May 2023. Посетено на 21 July 2023.
- ↑ „El doblete de Tomás Ángel, el delantero de Colombia que sigue los pasos de Juan Pablo y le "encanta" River“ [The double of Tomás Ángel, the Colombian striker who follows in the footsteps of Juan Pablo and "loves" River]. tycsports.com (шпански). 31 May 2023. Посетено на 21 July 2023.
Надворешни врски
[уреди | уреди извор]
| ||||||