Тодор Георгиевски
| Тодор Георгиевски | ||
| ||
| Роден | 1916 година Теарце, Тетово, Македонија | |
|---|---|---|
| Починал | 1944 година Косово | |
| Почивалиште | Градските гробишта во Бутел | |
Тодор Глигоров Георгиевски ( 1916 во Теарце, Тетовско — 1944 во Косово) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
Уште пред Втората светска војна се доселил во Скопје заедно со своето семејство. По завршувањето на основното училиште го изучил берберскиот занает. Во септември 1944 година стапил во борбените редови на Дванаесеттата македонска ударна бригада. Со бригадата храбро се борел против балистите и Германците на планината Китка, Водно, кај реката Треска, како и во борбите за ослободувањето на Скопје. Непосредно по ослободувањето на Скопје, учествувал во борбите против балистите во околината на Сарај па сè до Тетово. Бил учесник во конечното уништување и разоружување на балистичките остатоци во Косово. Во последните напорни акции, по една случајност загинал во несреќен случај. По ослободувањето, неговите посмртни останки биле пренесени и закопани на скопските гробишта.