Тодорка (врв)

Тодорка
Тодорка со своите три врва. Од лево: Голема Тодорка, Средна Тодорка и Мала Тодорка.
Највисока точка
Надм. вис.	2746 м
Координати	41°45′09.8″N 23°25′54.4″E
Географија
Тодорка на карта
Место	Благоевградска област, Бугарија
Матичен венец	Пирин

Тодорка — масивен врв на Пирин во Пиринска Македонија, денес во Благоевградската област, Република Бугарија. Тој е единствениот врв на страничниот гребен на Тодорка и се наоѓа на 2746 метри надморска височина. Тодорка е 11-ти највисок врв на планината Пирин и е изграден од гранит, и иако не е карпест, е стрмен. Тоа е релативно краток гребен со три врва - Голема, Средна и Мала Тодорка. Голема Тодорка се наоѓа на север и гледано од градот Банско изгледа како драматична пирамида. Од неговите падини има неколку скијачки патеки и е интензивно развиена од 2000 година и сега е голема скијачка област, со врв на 2600 метри кој е опслужуван со ски-лифт.

По гребенот југозападно од Голема Тодорка се наоѓа Средна Тодорка на 2706 метри, а на југоисток е Мала Тодорка на 2712 метри надморска височина. Источно од нив се наоѓаат двете езера Тодорини Очи, кои се дел од Василашките езера. На запад е долината Бандерица, која прави чуден свиок по свиокот на врвот Тодорка. Тоа е причината зошто крајот на долината е невидлив од Банско.

Врвот Тодорка

Од врвот се отвора импресивна панорама. На запад се гледаат Вихрен и Кутело, на исток е работ на Стражите. На југ Каменица се издига над другите врвови. На север во безоблачни денови се отвора драматичен поглед кон Банско, во кој јасно се гледаат улиците и зградите.

Надворешни врски

• Bansko Ski.com - (на англиски) - официјална страница за скијачкиот центар Банско
• Bansko World Cup.com - (на англиски) - страница за трки од Светскиот куп