Тимјаничка Река

Од Википедија — слободната енциклопедија
Прејди на прегледникот Прејди на пребарувањето
Тимјаничка Река
Тимјаничка Река во Неготино 3.JPG
Тимјаничка Река низ центарот на Неготино
Земја Македонија Македонија
Слив
Устие Вардар кај Неготино
Течение ВардарЕгејско Море
Речен систем Вардар
Гол. на сливот 17,8 км[1]

Тимјаничка Река или Неготинска Река[2]река која поминува низ градот Неготино, во средишниот дел на Македонија. Реката во текот на нејзиното течение низ градот Неготино е во целост уредена со посебен бетонски кеј, со што градот е заштитен од поплава, бидејќи самата река е спуштена под нивото на самиот град, а бетонските прегради се високи и до два метри. Реката во Неготино поминува низ самиот негов центар, покрај единствената градска црква, градскиот плоштад и главниот булевар.

Изворот на реката се наоѓа во близина на селото Тимјаник, соседно село на градот Неготино, по кое и самата река е првично наречена.

Уреденост[уреди | уреди извор]

Реката има уредено бетонско корито кога влегува во градот Неготино, а во самиот дел на градот во одредени делови, како кај градскиот плоштад, реката е спуштена и покриена со бетон и одозгора.

Испуштање на фекалните и отпадните води од целиот град се врши во Неготинска Река без никакво прочистување.[3]

Воедно, голем проблем за самата река и нејзиниот тек низ градот е неколкудневниот Септемвриски панаѓур, кој се одржува традиционално во Неготино, а по кој најчесто коритото на реката е преполно со ѓубре и смет од најразличен вид.[4]

Поплава[уреди | уреди извор]

Реката во 1995 година предизвикала поројна поплава. Поплавата во краткиот период оставила огромни материјални штети, но поминала без човечки жртви. Покрај реката има широк појас без куќи, па така водата која течела надвор од коритото на реката имала слободен простор на движење.[5]

Поплавата во центарот на Неготино се случила по излевање на реката од градското корито, по олујното невреме во кое за кратко време наврнале 175 мм врнежи.[1]

Галерија[уреди | уреди извор]

Наводи[уреди | уреди извор]

  1. 1,0 1,1 Ристиќ, Ратко (2009 г.). „Карактеристике великих вода на бујичним сливовима у Србији“ (на српски). Гласник на Српско географско друштво. Српско географско друштво. стр. 169. https://docs.google.com/viewer?url=http%3A%2F%2Fwww.sgd.org.rs%2Fpublikacije%2Fglasnik%2F2009_4%2F12_Ristic.R_s.pdf. посет. 4 јуни 2015 г. 
  2. Се сретнува многу често и под името Неготинска, најверојатно поради тоа што главниот тек на реката е низ градот Неготино
  3. „Водовод и канализација“ (на македонски). Град Неготино. Град Неготино. http://www.negotino.gov.mk/index.php?option=com_content&view=article&id=8&Itemid=16&lang=mk. посет. 4 јуни 2015 г. 
  4. К., В.. „Неготино испомочано“, „Вест“, МПМ Македонија, 28 септември 2010 (посет. 4 јуни 2015 г). (на македонски)
  5. Блинков, Иван (2008 г.). „Брошура за проектот „Римадима““ (на македонски). Проект „Римадима“. стр. 6. https://docs.google.com/viewer?url=http%3A%2F%2Fwww.sf.ukim.edu.mk%2Frimadima%2FBrosura.pdf. посет. 4 јуни 2015 г. 

Надворешни врски[уреди | уреди извор]