Тимчо Муцунски

Од Википедија — слободната енциклопедија
Прејди на прегледникот Прејди на пребарувањето
Тимчо Муцунски
Timco Mucunski 2015.jpg
Заменик-министер за информатичко општество
На должноста
ноември 2015 – јули 2017
Претседател Ѓорге Иванов
Премиер Никола Груевски
Наследник -
Лични податоци
Роден(а) 29 јули 1989
Берово
Партија ВМРО - ДПМНЕ
Занимање политичар
Вероисповед Православие
Македонец

Доц. д-р Тимчо Муцунски (р. 29 јули 1989 во Берово) — македонски политичар и Меѓународен секретар на ВМРО-ДПМНЕ.

Биографија[уреди | уреди извор]

Средно образование има завршено во Отава, Канада. Завршил прв циклус на правни студии и дипломирал на Правниот факултет „Јустинијан Први“ во јуни 2009 година.

По дипломирањето се запишал на постдипломски студии (правни студии од втор циклус). Магистерскиот труд успешно го одбранил на 4 јули 2011 година и се стекнал со називот магистер по право. Во 2019 година ги завршил докторските студии (трет циклус студии по правни науки) на Правниот факултет „Јустинијан Први”.

Со одлука на Наставно-научниот совет на Правниот факултет „Јустинијан Први“, д-р Тимчо Муцунски за прв пат бил избран за демонстратор во 2009 година. Со одлукa на Наставно-научниот совет на Правниот факултет „Јустинијан Први“, м-р Тимчо Муцунски во 2015 година е избран со звањето асистент - докторанд. Во 2019 година е избран за Доцент на научната област Римско право.

Тимчо Муцунски има екстензивно научно и апликативно искуство од областа на правото. Тој е ко-автор на два основни универзитетски учебници, во издание на Правниот факултет „Јустинијан први”, Универзитет „Св. Кирил и Методиј” и тоа: Корпоративно управување (2014) и Право на игрите на среќа (2013). Истовремено тој е и ко-автор на 20 научни и стручни трудови од областа на правните науки објавени во меѓународни научни списанија. Во својство на научен работник има посетено голем број странски универзитети, а во четири наврати бил предавач на пленарен панел на меѓународни конференции организирани од страна на Институтот Хариман при Универзитетот Колумбија во Њујорк, САД. Тој има учествувано во голем број меѓународни научни проекти во соработка со реномирани странски универзитети како и државни институции од земји членки на Европската унија.

Од 2015-2017 година Тимчо Муцунски е заменик на министерот за информатичко општество и администрација во Владата на Република Македонија[1]. Од 2018 година е избран за Меѓународен секретар на ВМРО-ДПМНЕ[2].

Наводи[уреди | уреди извор]