Теќе (Отовица)

Теќе — археолошко наоѓалиште кај велешкото село Отовица. Претставува населба од бронзеното и доцноантичкото време. На 2 км источно од Башино Село, на просторот помеѓу подножјето на врвот Кале и малата височинка наречена Теќе, на местото каде Отавичка Река се влева во Езерото Младост, при подготовките на садење на лозјата се откриени голем број фрагменти од керамички садови карактеристични за бронзеното време. Исто така, по површината се среќаваат и фрагменти од керамички садови, питоси и градежен материјал од доцноантичкото време. Наодите се чуваат во Народниот музеј во Велес и во Музејот на Македонија.

Поврзано

• Кале - Градиште — градиште од доцноантичкото време;
• Отовица;
• Список на археолошки наоѓалишта во Велешко;