Тес Вестер
.jpg) | |||
| Лични податоци | |||
|---|---|---|---|
| Роден(а) |
19 мај 1993 Херхуговард, Холандија | ||
| Националност |
 Холандија | ||
| Спорт |
 Ракомет | ||
| Висина | 1,78 м | ||
| Позиција | голман | ||
| Клупски податоци | |||
| Тековен клуб |
 Оденсе | ||
| Број | 33 | ||
| Младински клубови | |||
|
Хуго Грлс ВЗВ Хандбал Академи | |||
| Сениорски клубови | |||
| 2008-2010 2010-2011 2011-2015 2015-2018 2018- |
 ВОК Амстердам.png){kind=small} Е&О Емен Олденбург Битигхајм Оденсе | ||
| Репрезентација | |||
| 2012– |
Холандија | 97 (8) | |
Тес Вестер е холандска ракометарка, голман на Оденсе и на холандската репрезентација.[1]
Кариера[уреди | уреди извор]
Клупска кариера[уреди | уреди извор]
Вестер ја започнала својата кариера во 1999 година, на возраст од 6 години. Во нејзината младинска кариера таа исто така играла и за ВЗВ и Хандбал Академи.
Во сезоната 2008-2009 потпишала договор со екипата на ВОК Амстердам, со која во текот на истата сезона настапувала во Лигата на шампионите со само 15 години. Таа исто така освоила две титули во холандското првенство со клубот од Амстердам пред да го напушти во 2010 година. Вестер играла една сезона во дресот на Е&О Емен (2010-2011), пред да го има својот прв ангажман во странство.
Во 2011 година, таа се преселила во Германија каде потпишала за Олденбург,[2] чиј гол го бранела до 2015 година и клуб со кој го освоила Купот на Германија во 2012 година. Потоа, Вестер потпишала за една од најсилните германски екипи Битигхајм.[3] Со Битигхајм ја освоила Бундеслигата во сезоната 2016-2017 и играла повторно во Лигата на шампионите по подолга пауза.
Во 2018 потпишала за данскиот Оденсе.[4] Во својата прва сезона во клубот, Вестер му помогнала на Оденсе да го освои третото место во данското првенство, да стигне до финалето во Купот на Данска (загубиле од Никобинг) како и до четвртфиналето на Лигата на шампионите каде биле елиминирани од бранителот на титулата и подоцнежен шампион Ѓер.
Репрезентативна кариера[уреди | уреди извор]
Вестер дебитирала за холандската репрезентација во пријателски натпревар против Романија на 2 октомври 2012 година.[5] Првиот голем турнир на кој таа била повикана да брани за репрезентацијата било Европското првенство во 2014 година, на кое холанѓанките завршиле на седмото место.
Следната година, таа била дел од холандската репрезентација која настапила на Светското првенство 2015 во Данска, и стигнала до финалето на турнирот, каде биле поразени од Норвешка со 23-31.[6] Таа била избрана во Ол-стар тимот на првенството како најдобар голман и имала најголем број на одбранети удари (120) како и највисок процент на одбранети удари (43%).[7]
Во 2016 година Вестер и нејзините соиграчки од репрезентацијата обезбедиле прво историско учество за Холандија на Олимписките игри. На олимпискиот турнир, Холандија го освоила четвртото место после поразите во полуфиналето од Франција со 23–24, и во натпреварот за бронзата од Норвешка со 26–36.[8][9][10]
Во 2017 и 2018 година, Вестер освоила уште два бронзени медали со репрезентацијата од Светското првенство 2017 и Европското првенство 2018.
Титули[уреди | уреди извор]
Клупски[уреди | уреди извор]
|
Поединечни[уреди | уреди извор]
|
Наводи[уреди | уреди извор]
- ↑ „Tess Wester“. European Handball Federation. Архивирано од изворникот на 2014-11-04. Посетено на 17 December 2014.
- ↑ Tess Wester: Willkommen im Abenteuerland Bundesliga nwzonline.de
- ↑ „Bietigheim signs Dutch international goalkeeper from Oldenburg“. Handball-World News. 5 јуни 2015. Архивирано од изворникот на 2019-12-11. Посетено на 12 декември 2019.
- ↑ „Wester kiest voor nieuwe stap naar 'ambitieus' Odense“ (холандски). nos.nl. 6 April 2018.
- ↑ „архивски примерок“. Архивирано од изворникот на 2017-09-02. Посетено на 2019-12-11.
- ↑ „Grimsbø Shines as Norway Claim the Title“. ihf.info. 20 December 2015. Архивирано од изворникот на 2015-12-22. Посетено на 2019-12-11.
- ↑ 7,0 7,1 Ол-стар тим на Светското првенство 2015, IHF. Пристапено на 22 декември 2015.
- ↑ https://www.reuters.com/article/us-olympics-rio-handball-w-bronze-idUSKCN10V0KW
- ↑ „WESTER Tess Profile“ (англиски). Архивирано од изворникот на 6 August 2016.
- ↑ „Handbalkeepster Jankovic mee naar Rio“ [Handball goalkeeper Jankovic off to Rio] (холандски). RTL Nieuws. 1 July 2016. Архивирано од изворникот на 17 September 2016. Посетено на 1 August 2016.
Надворешни врски[уреди | уреди извор]
- Официјално мрежно место Архивирано на 9 август 2016 г.
- Тес Вестер Архивирано на 2 септември 2017 г. на страната на Холандската ракометна федерација
- Тес Вестер на eurohandball
- Тес Вестер на sports-reference Архивирано на 18 април 2020 г.
| ||||||
| ||||||||
