Теодор I Палеолог

Од Википедија — слободната енциклопедија
Прејди на прегледникот Прејди на пребарувањето
Теодор I Палеолог
Θεόδωρος Α Παλαιολόγος
Деспот на Мореја

Византиски деспот на Мореја
На престол 1383 - 1407
Претходник Димитар I Кантакузин
Наследник Теодор II Палеолог
Сопружник Бартоломео Акцијајоли
Династија Палеолози
Татко Јован V Палеолог
Мајка Елена Кантакузина
Роден(а) 1355
Починал(а) 24 јуни 1407

Теодор I Палеолог (грчки: Θεόδωρος Α Παλαιολόγος, Theodōros I Palaiologos, Theodor I Palaiologos, 1355 - 24 јуни 1407 во Цариград) бил византиски деспот на Мореја од 1383 до 1407 година.

Тој бил четвртиот син на византискиот император Јован V Палеолог и неговата сопруга Елена Кантакузина. Неговиот дедо по мајчина линија бил поранешниот император Јован VI Кантакузин. Неговите поголеми браќа се императорите Андроник IV и Мануил II.

Во 1376 година Теодор I Палеолог, кој веќе ја имал титулата деспот, добил задача да ја преземе власта во Солун. Пред да ја преземе оваа служба тој бил уапсен и од поголемиот брат заедно со татко му и брат му Мануил донесен во затворот Анемас . Тоа затворање траело во текот на целото управување на Андроник од 1376 до 1379 година. Наскоро по враќањето на тронот на Јован V во Цариград, Мануил повторно му ја дал управата над Солун, а Теодор заминал во Мореја.

Во 1383 година тој пристигнал во Мореја и ја презел власта од Димитар I Кантакузин, синот на Матеј Кантакузин. Тој имал успешни воени походи во 1388 година, а набргу потоа тој го освоил Аргос.

Теодор се оженил во 1384 година за Бартоломео Акцијајоли, ќерка на војводата Нерио I Акцијајоли (1394) од Атина и неговата сопруга Агнес Сарачено. Не е познато дали двајцата имале деца. Непосредно пред неговата смрт Теодор под името "Теодорет" влегол во монашки ред. Тој починал на 24 јуни 1407 година. Негов наследник станал Теодор II Палеолог (1396 † 1448), малолетниот син на Мануил II.

Некои извори наведуваат дека една ќерка на Теодор била сопруга на Сулејман Челебија, султанот на Едрене во времето на Османлиски интеррегнум.

Литература[уреди | уреди извор]

  • Oxford Dictionary of Byzantium. Oxford University Press, 1991.
  • Joseph von Hammer-Purgstall: Geschichte des Osmanischen Reiches. Pest 1827–33, 10 Bände
  • Edward Gibbon: The History of the Decline and Fall of the Roman Empire, London, 1. Band 1776, 2./3. Band 1781, 4.-6. Band 1788
  • Georgios Sphrantzes; Marios Philippides (Übers.): The Fall of the Byzantine Empire : a chronicle. Amherst : University of Massachusetts Press, 1980.
  • Ferdinand Gregorovius Geschichte der Stadt Rom im Mittelalter. 1859–1872. Neuausgabe, 2. Aufl. 4 Bände. Beck, München 1988. ISBN 3-406-07107-4

Надворешни врски[уреди | уреди извор]