Текла (сопруга на Михаил II)

Од Википедија — слободната енциклопедија
Прејди на прегледникот Прејди на пребарувањето
Текла
Византиска императорка
Владеење820-823
Крунисување820
Починал(а)823
ПретходникТеодосија
НаследникЕфросина
Придружник наМихаил II Амориецот
ДецаТеофил
ТаткоБарданиј Турски
МајкаДомника

Текла (? -823) била византиска царица, прва жена на царот Михаил II Амориецот.

Семејство[уреди | уреди извор]

Текла била ќерка на Барданиј Турски, стратег на тема Анатоликон и неговата сопруга Домника. Се претпоставува дека родителите на Текла биле од ерменско потекло. Прекарот на нејзиниот татко бил "Турски" или "Потурчениот", но тоа не го докажува неговото турско потекло бидејќи во текот на 9 век, со називот Турци во Византија се нарекувале Хазарите.

Во 803 Барданиј крнал бунт против императорот Никифор I, кој го узурпирал нелегално престолот во Константинопол во 802 година. Бунтот на Барданиј бил поддржан од делови на византиската војска, но Никифор I успеал да ги победи бунтовниците. По неуспехот на бунтот Барданиј бил принуден да се замонаши и бил прогонет во манастир на остров Проти. Но Никифор I сеуште го сметал поранешниот стратег за опасен противник и поради тоа наредил да биде ослепен.

Царот сепак дозволил на Домника да го задржи семејното богатсво, благодарение на што таа основала манастир. Наводно Текла имала уште една сестра и неколку браќа. Спооред Теофан, по бунтот на Барданиј, браќата на Текла биле исто така затворени во манастир, а нејзината сестра и снаа заминале во новооснованиот манастир на Домника.

Брак[уреди | уреди извор]

Според Теофан Исповедник, Барданиј ја омажил својата ќерка Текла за војводата Михаил, за да обезбеди поддршка во бунтот против Никифор I. За време на бунтот сепак Михаил и идниот император Лав V Ерменец се префрлиле на страната на император Никифор I, што била една од причините за неуспехот на Барданиј.

Текла и Михаил имале еден син, идниот император Теофил (813-842).

Царица[уреди | уреди извор]

Во 820 година Михаил бил обвинет во заговор против царот Лав V Ерменец и фрлен во затвор. Сопругот на Текла сепак успеал да побегне од затвор и го организирал убиството на Лав V за време на божикната литургија во патријаршиската катедрала Аја Софија во Константинопол. Императорот влегол во катедралата без стража и поради тоа не можел да се заштити.

По убиството на Лав V за император бил крунисан Михаил, а Текла била прогласена за нова царица и ја добила титулата августа.

Текла починала во околу 823 година, а по смртта Михаил се оженил повторно за Ефросина, ќерка на царот Константин VI Слепиот.

Литература[уреди | уреди извор]

  • Lynda Garland, Byzantine Women:Varieties of Experience 800-1200 (2006)

Надворешни врски[уреди | уреди извор]

Претходник
Теодосија
Византиска царица
820 – 823
Наследник
Ефросина