Тегу (стадион)

Од Википедија — слободната енциклопедија
Прејди на прегледникот Прејди на пребарувањето
Тегу
대구월드컵경기장
Син свод
Целосно име Стадион Тегу
Место Тегу,  Јужна Кореја
Координати 35°49′47.2″ СГШ 128°41′25.1″ ИГД / 
Започнат 29 јули 1997
Отворен 28 јуни 2001
Сопственик Град Тегу
Оператор Спортски раководен центар на Тегу
Подлога тревник, тартан
Цена на изградбата 265 млн. $
Архитект Канг Чол-хи, Архитектонски институт Idea Image (IIIA)
Конструктор Зграда: Seoul Structure, Покрив: WS Atkins
Главен изведувач Samsung
Поранешни имиња Стадион на светското првенство „Тегу“
Игра Светско првенство во фудбал (2002)
ФК Тегу (2003–)
XXII Летна универзијада (2003)
13th Светско првенство во атлетика (2011)
Гледачи 68.014

Стадион „Тегу“ (корејски: 대구월드컵경기장, наречен и „Син свод“)[1] — најголем стадион Јужна Кореја, сместен во градот Тегу. Сè до март 2008 г. го носел името „Стадион на светското првенство ’Тегу‘“ (анг. Daegu World Cup Stadium). Има примоспособност за 65.000 гледачи (тековно ограничено на 53.000) и места за 3.550 автомобили. Сместен е околу 11 км од градскиот аеродром. Со стадионот управува Спортскиот раководен центар на Тегу.

Ова е еден од стадионите на кои се одржало Светскотото првенство во фудбал во 2002 г. и главен стадион за Летната универзијада во 2003 г.[2] и Светското првенство во атлетика во 2011 г. Стадионот е домашно игралиште на прволигашот ФК Тегу.[3][4]

Изградба[уреди | уреди извор]

Изградбата завршила во мај 2001 г. со цена на чинење од 265 милиони долари. Проектант на покривот е меѓународното ателје WS Atkins. Има два дела, секој со наклонет свод со челични носачи и опсег од 273 м при издигање од само 28,7 м. Потпомогнат е од 13 потпорни сводови што водат во втор обиколен лак потпрен на скалишни столбови.[5] Вкупната тежина на покривната конструкција изнесува 4.350 тони. Прекривката е обложена со ПТФЕ и зајакната со стакло. Моделирањето и статичките работи ги извршил Tensys.[6] Ветерниот товар врз покривот го проценил BMT Limited.

Светско фудбалско првенство 2002[уреди | уреди извор]

На стадионот се одржани следниве натпревари во рамките на Светско првенство во фудбал во 2002 г.:

Датум Екипа Исход Екипа Коло
6 јуни 2002  Данска 1–1  Сенегал Група A
8 јуни 2002  Словенија 0–1  ЈАР Група B
10 јуни 2002  Јужна Кореја 1–1  САД Група D
29 јуни 2002  Јужна Кореја 2–3  Турција Трето место

Поврзано[уреди | уреди извор]

Наводи[уреди | уреди извор]

  1. World Stadiums Стадион „Тегу“ посет. 12 октомври 2011 г
  2. XXII Летна универзијада посет. 12 октомври 2011 г
  3. 대구 월드컵 경기장, 시민들을 위한 따뜻한 쉼터
  4. Матична страница на ФК Тегу (корејски)посет. 12 октомври 2011 г
  5. Korea Ready for Kickoff — New Civil Engineer посет. 20 октомври 2009 г
  6. Building Types Study: Stadiums: Daegu Stadium — Architectural Record посет. 20 октомври 2009 г

Надворешни врски[уреди | уреди извор]