Теа Таировиќ

Теа Таировиќ (Нови Сад, 26 април 1996) е српска пејачка, текстописец и танчерка. Славата ја стекнала со учеството во осмата и десеттата сезона на натпреварот во пеење „Ѕвездите на Гранд“. Таа објавила три студиски албуми - Балканија (2022), Балерина (2023) и Теа (2024) - како и бројни независни синглови кои постигнале голем комерцијален успех.

Препознатлива е по своите настапи во кои изведува стомачен и латиноамерикански танц, поради што е опишана како „Шакира од Балканот“.

Детство и младост

Родена е на 26. април 1996 година во Нови Сад, во тогашна Сојузна Република Југославија. Ќерка е на ТВ водителката Божица Малевиќ и академскиот сликар Зоран Таировиќ. Од страната на нејзиниот татко има ромско потекло. Нејзината баба од страна на татко починала како резултат на НАТО бомбардирањето на Југославија, кога била уништена куќата на нејзиниот татко.

Танцува од својата тригодишна возраст, кога започнала да посетува балетска школа, а го освоила второто место а на Светското првенство во шоу танц. Тренирала стандардни и латиноамерикански танци, балет и џез балет. Матурирала во гимназијата „Светозар Марковиќ“, а потоа се запишала на Филозофскиот факултет на Универзитетот во Нови Сад. Изјавила дека нема намера да студира психологија бидејќи уште од детството сонувала да стане пејачка, а за пример ја навела Бијонсе.

Кариера

Таировиќ го издала својот прв сингл насловен „Да си мој“ во 2014 година, сепак песната не постигнала голем успех, се до 2015 година. Таа повторно станала натпреварувачка на натпреварот за пеење Ѕвездите на Гранд, откако веќе еднаш учествувала на натпреварот во 2013 година. Во финалето ги отпеала песните „Не знаеш како е“ од Нина Бадриќ и „Пламен на љубовта“ од групата Колонија. Не поминала во суперфиналето, но продукцијата и подарила песна наречена „Карактерна особина“, која воедно била втора песна во нејзината кариера.

Во ноември 2016 година го издала својот трет сингл „Мене ми одговора“. Синглот „Танчерка“ излегол во април следната година. Со оваа песна таа успешно ја започнала годината во која објавила уште пет песни. Песната „Несреќа“ ја напишало и продуцирало босанското дуо - Џала Брат и Буба Корели - а според реакциите на слушателите на социјалните мрежи, Теа станала сè попопуларна со секоја нова песна. Со Шабан Шаулиќ во јуни 2017 г. ја снимила песната „Од кога тебе те знам“. Во септември 2017 г ја објавила дуетската песна „одат денови“, која ја снимала со раперот Премил Јовановиќ, попознат како Римски. Музиката и текстот се на Римски и Филип Младеновиќ. Со македонскиот фолк пејач Менил Велиоски ја снимила песната „Драма“, која се разликувала од нејзината претходна работа. Кон крајот на годината Таировиќ ја објавила својата прва балада „И во добро и во зло„ каде нејзините пејачки способности дошле до израз. Таировиќ пред летото 2018 година објавила дует со Ивана Круниќ наречен „Брат на брат“, а неколку месеци подоцна објави дует со „Медикамент“.

Надворешни врски

• Матична страница
• Теа Таировиќ — AllMusic (англиски)
• Теа Таировић на сајту  (језик: енглески)
• Теа Таировиќ на Семрежната филмска база на податоци (англиски)

• Теа Таировиќ на MusicBrainz