Тврдина Каменец Подолски

Од Википедија — слободната енциклопедија
Прејди на прегледникот Прејди на пребарувањето
Координати: 48°40′24″N 26°33′45″E / 48.67333° СГШ; 26.56250° ИГД / 48.67333; 26.56250
Каменец
Кам'янець
Национална историска архитектура
Седум од оригиналните 12 кули доминираат во околината на кањонот на реката Смотрич
Земја Украина
Област Хмелничка Област
Општина Каменец Подолски
Знаменитост Целосен список[1]
Координати 48°40′24″N 26°33′45″E / 48.67333° СГШ; 26.56250° ИГД / 48.67333; 26.56250
Должина 175 м
Ширина 50 м
Површина на тврдината[2] 8.750 м²
Established  
 - Културен споменик 1928 (само тврдината)
 - Архитектонски споменик 18 мај 1977 (со Стариот Град)
Раководство Министерство за регионален развој на Украина
Посетители 100.000+[3] (2008)
Препознатливост Седум чуда на Украина
Портал: niazkamenec.org.ua
Поглед ноќе на историската тврдина Каменец Подолски од XI век, Ukrajina
Дневна туристичка посета на тврдината Каменец Подолски, град Каменец Подолски

Тврдина Каменец Подолски (украински: Кам'янець-Подільська фортеця; полски: twierdza w Kamieńcu Podolskim; руски: Каменец-Подольская крепость; турски: Kamaniçe Kalesi) – тврдина во украинскиот град Каменец Подолски изградена во XI век. Тврдината е основана во време на Киевска Русија како дрвена одбранбена градба, а својата меѓународна препознатливост ја стекнува како камена тврдина во време на Полско-литванската Унија и козачко-полската борба со татарски и турски освојувачи. Се смета за едно од Седумте чуда на Украина и е долгогодишен дел на украинската туристичка понуда во западна Украина. Покрај тврдината тече реката Смотрич.

Историја[уреди | уреди извор]

Тврдината Каменец Подолски првпат е спомената во Ерменската хроника од XI век. Тврдината во средниот век се наоѓала во состав на Галичко-волинското Кралство, а денес е во рамките на Хмелничката Област во склоп на Украина. Местото било разрушено од Монголите во 1240 година, а повторниот раст го доживува на почетокот 1360-тите години кога просторот бил под контрола на литванските кнезови од династијата Коријатович.

Во 1430 година со Каменец Подолски завладеало Кралството Полска, а веќе две години подоцна, во 1432 година, на гратчето му се гарантирани магдебуршките права. На истиот простор е формирана Подолска Војводина, а Каменец Подолски станува нејзин главен град во 1463 година. Под управа на Полјаците, Каменец Подолски станува меѓународно познато трговско и културно средиште, според значењето веднаш зад градот Лавов. Почетната дрвена тврдина, до крајот на XV век била целосно заменета со снажни камени блокови кои и денес можат да се видат во нивното оригинално издание. Околу тврдината се изградени високи одбранбени ѕидови и кули чија цел била подобра одбрана од честите напади на Татарите и Турците од југозападните граници на денешна Украина. Со добивањето на магдебуршкото право, Каменец Подолски е прогласен за „кралски град“ и му е доделен слободен државнички статус.

Население[уреди | уреди извор]

Првите жители на Каменец Подолски биле Украинци, и во нешто помал размер Ерменци. После падот на источнословенската држава Киевска Русија, градот во голема мерка го населиле Полјаци, нешто помалку Литванци како и Евреи. Денес тука главно живеат Украинци.

Наводи[уреди | уреди извор]

  1. „LIST of monuments of architecture and urban planning“. National Historical-Architectural Complex "Kam'ianets" (украински). 
  2. „Kamenets-Podolskaya krepost“. bon-voyage.com.ua (руски). 
  3. „Museums“ (Figure is for the total visitation number to Kamianets-Podilskyi museums.). Kamianets-Podilskyi Tourist Informational Site (украински). 2008. 

Поврзано[уреди | уреди извор]

Надворешни врски[уреди | уреди извор]