Татар Елевци

За селото во Општина Центар Жупа видете Елевци.

Татар Елевци
Татар Елевци Местоположба на Татар Елевци во Македонија
Координати 41°31′42″N 20°32′49″E
Општина	Дебар
Население	10 жит. (поп. 2002)
Надм. вис.	1050 м
Татар Елевци на општинската карта Атарот на Татар Елевци во рамките на општината
Татар Елевци на Ризницата

Татар Елевци, Турско Елевци или само Елевци — село во Општина Дебар, во околината на градот Дебар.

Географиja и местоположба

Селото се наоѓа во областа Горен Дебар, на јужните падини на Дешат. Селото се наоѓа североисточно од Дебар на 3,5 км по асфалтен пат.

Историja

Основано е во 1500 год. како Градец, а денес се користат имињата Татар Елевци и Град Елевци. Црквата Св. Димитрија обновена на старите темели во 1873 год. а воедно Митровден е славата на селото.

Според податоците од 1873 година, селото имало 15 домаќинства со 52 жители христијани (Македонци).

Економија

Населението воглавно се занимава со сточарство и земјоделие.

Демографија

Според статистиката на бугарскиот етнограф Васил К'нчов („Македонија, етнографија и статистика“) од 1900 година, селото Татар Елевци имало 155 жители, сите Македонци.

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Татар Елевци имало 216 Македонци, егзархисти.

Според пописот од 2002 година, во селото имало 10 жители, сите Македонци.

На табелата е претставен преглед на населението во селото низ сите пописни години:

Година	1900	1905	1948	1953	1961	1971	1981	1991	1994	2002
Население	155	112	82	86	67	44	39	23	13	10

Личности

• Панче Поповски - партизан.

Поврзано

• Дебар
• Општина Дебар
• Југозападен регион

Надворешни врски

• Сателитска снимка на Татар Елевци на Google Maps.