Прејди на содржината

Тарн (департман)

Од Википедија — слободната енциклопедија
Тарн
Tarn
Француски департман
Одозгора надолу, одлево надесно: Алби и реката Тарн, Езеро Лаузас, Корд-сир-Сјел, Рабастан
Знаме на ТарнTarn
Знаме
Грб на ТарнTarn
Грб
Местоположба на Тарн во Франција
Местоположба на Тарн во Франција
ДржаваФранција
РегионОкситанија
Департман4 март 1790
ПрефектураАлби
ПотпрефектураКастр
Управа
 • Претседател на Советот на департманотКристоф Рамон[1] (СП)
Површина[2]
 • Вкупна5.758 км2 (2,223 ми2)
Население (2020)[3]
 • Вкупно391.066
 • Ранг61.
 • Густина68/км2 (180/ми2)
Час. појасСЕВ (UTC+1)
 • Лето (ЛСВ)СЕЛВ (UTC+2)
ISO 3166FR-81
Број на департмани81
Окрузи2
Кантони23
Општини314
Мреж. местоhttp://www.tarn.fr

Тарн — департман во регионот Окситанија во Јужна Франција. Именуван по реката Тарн, во 2019 година имал население од 389844 жители. Неговата префектура и најголем град е Алби. Има една потпрефектура, Кастр. Неговиот INSEE и поштенски број е 81.

Историја

[уреди | уреди извор]

Тарн е еден од првичните 83 департмани создадени за време на Француската револуција на 4 март 1790 година, преку примена на Законот од 22 декември 1789 година. Создаден е од дел од поранешната покраина Лангедок и ги опфаќа епархиите Алби и Кастр (кои биле споени во 1817 година).

Кастр е најпознат во француската политичка историја како родно место на социјалистичкиот лидер Жан Жорес.

Новиот департман имал пет окрузи (арондисмани): Алби, Кастр, Лавор, Гајак, Лакон. Главните градови (сега префектури) биле, наизменично, Алби и Кастр, но од 1790 до 1797 година, главен град бил само Алби; во 1797 година, главниот град бил преместен во Кастр.[4] Во 1800 година, Алби повторно станал главен град на департманот и биле создадени окрузите; департманот имал четири окрузи: Алби, Кастр, Гајак и Лавор. Во 1926 година, окрузите Гајак и Лавор биле укинати.[4]

Според законот од 28 пливиоз, 5-та година, департманите Еро и Тарн си ги замениле кантоните Англес (кој бил дел од епархијата Сен Понс, но кој денес е во Тарн) и Сен Жерве сир Мар (кој бил дел од епархијата Кастр, но кој денес е дел од Еро).

Географија

[уреди | уреди извор]
Топографска карта на департманот Тарн

Тарн е дел од регионот Окситанија и има површина од 5.757,9 квадратни километри. Департманот е опкружен со пет департмани, и сите му припаѓаат на регионот Окситанија: Еро на југоисток, Од на југ, Аверон на север и исток, Горна Гарона на југозапад и запад, како и Тарн-е-Гарона на северозапад. Тој е еден од двата француски департмани целосно опкружени со други департмани од истиот регион.

Наклонот на департманот е од исток кон запад, а неговиот општ карактер е планински или ридест. Трите главни планински венци на Тарн што се протегаат на југоисток се: планините Лакон, Сидобр и Монтањ Ноар, кои припаѓаат на Севените.

Каменитите и ветровити падини на планините Лакон (Monts de Lacaune) се користат за пасишта. Највисоката точка на планинскиот масив и на департманот е Пуеш Монгран, висока 1.267 м, а има уште неколку други врвови со не многу помала висина. Гранитните висорамнини на Сидобр, од високи 490 до 610 м, ја одделуваат долината на реката Агу од долината на нејзината западна притока, реката Торе. Монтањ Ноар, на југозападната граница на департманот, го добила своето име од шумите на неговата северна падина. Нејзината највисока точка е Пик де Нор висока 1.211 м.

Подножјето од варовник и песочник е обраснато со лози и овошни дрвја, а е испрекинато со длабоки алувијални долини со посебна плодност. Со исклучок на мал дел од Монтањ Ноар, кој се влева во реката Од, целиот департман припаѓа на сливот на Гарона.

Демографија

[уреди | уреди извор]

Во 2019 година Тарн имал население од 389.844 жители, со густина на населението од 67,7 жители/ км2.

Еволуција на населението

[уреди | уреди извор]

Движење на населението од 1801 година:

Поважни градови

[уреди | уреди извор]

Најнаселената општина е префектурата Алби. Од 2019 година, има 10 општини со повеќе од 6.000 жители:

Комуна Население (2019)
Алби 48.902
Кастр 42.079
Гајак 15.265
Гроле 12.844
Лавор 10.879
Мазаме 9.996
Кармо 9.782
Сен-Силпис-ла-Поант 9.336
Сен-Жуери 6.694
Лабригиер 6.506

Администрација

[уреди | уреди извор]

Административни поделби

[уреди | уреди извор]

Во Тарн има 2 окрузи, 23 кантони и 314 општини.

Округ INSEE код Главен град Население



(2019)		 Површина



( км2 )		 Густина



(жители/ км2 )		 Општини
Алби 811 Алби 193.307   2.732   70,76/км2 163
Кастр 812 Кастр 196.537   3.026   64,95/км2 151

Туризам

[уреди | уреди извор]

Наводи

[уреди | уреди извор]
  1. ↑ „Répertoire national des élus: les conseillers départementaux“. data.gouv.fr, Plateforme ouverte des données publiques françaises (француски). 4 May 2022.
  2. ↑ „Département du Tarn (81) – Résumé statistique“. Publications et statistiques pour la France ou les régions (француски). Institut national de la statistique et des études économiques – INSEE. Посетено на 8 August 2015.
  3. ↑ „Téléchargement du fichier d'ensemble des populations légales en 2020“. INSEE. 29 декември 2022.
  4. 1 2 „Historique du Tarn“. Le SPLAF (француски). Посетено на 8 August 2015.
  5. ↑ „Historique du Tarn“. Le SPLAF.
  6. ↑ „Évolution et structure de la population en 2016“. INSEE.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Тарн_(департман)&oldid=5503772“