Струмичка штипалка
| Струмичка штипалка | |
|---|---|
| Научна класификација [ у ] | |
| Непознат таксон (попр): | Cobitis |
| Вид: | Струмичка штипалка |
| Научен назив | |
| Cobitis strumicae Караман, 1955 | |
Струмичка штипалка (Cobitis strumicae) — вид на зракоперкаста риба од семејството Cobitidae. Се среќава во Бугарија и Грција .
Опис и распространетост
[уреди | уреди извор]Струмичката штипалка има издолжено тело, од страните сплескано и покриено со многу ситни лушпи. И главата е странично сплескана. Има шест мустаќи, четири на врвот на рилото и две во аглите на устата. Предните ноздри се издолжени во вид на куси цевчиња. Устата е долна со дебели, меснати усни. Очите се поставени високо горе на главата. Својствено за струмичката штипалка е што под секое око има еден трн со два шпица. Бојата на телото е од потемно жолта на грбот до светложолта на страните и стомачниот дел. По страните, под страничната линија има низа од 10 до 20 крупни, правоаголни, но заоблени, темносиви до црнобраон дамки во вид на широка лента. Над нив се наоѓаат поситни, неправилни пеги, што исто така образуваат надолжна линија. Грбната, опашната и аналната перка се право засечени и на истите има темни пеги во повеќе редови. Согласно податоците од постарата литература во Република Македонија постоел вид Cobitis taenia и специфични популации на ниво на подвидови за различни сливови. Согласно новата систематика во Република Македонија разликуваме повеќе одделни видови штипалки и тоа: Вардарска штипалка – C.vardarensis, Охридска штипалка – C.ohridana, Преспанска штипалка – C.meridionalis, Струмичка штипалка – C.strumicae, Балканска штипалка – C. elongata. Меѓусебните морфолошки разлики се мали.[2]
Основни биолошки одлики
[уреди | уреди извор]Живее во чисти и мирни води, истечни или во крајбержниот регион на езерата. Лесно и често се вкопува во песокот, а понекогаш се завлекува помеѓи водените растенија. Полова зрелост на струмичката штипалка настапува во втората, односно третата година од животот, при должина од 5 до 8 см. Се мрести во пролет и лето, од април до јули. Икрата ја положува на растенија, корени или на песок. Плодноста е релативно голема и изнесува 100.000 до 150.000 зрна икра. Струмичката штипалката е риба со мали димензии. Достигнува максимална должина до 15 cm обично е долга 6 до 8 см. Животниот век и е до 10 години. Ларвите на струмичката штипалка се хранат со ситни ракообразни, а возрасните единки и со разни други мали животни од дното односно со органски отпадоци. Во потрага по нив зема песок во устата од него ги изолира органските честички, а песокот го исфрла низ жабрите. Овој вид има „санитарна” функција во екосистемите во кои живее во смисла подобрување на квалитетот на водата преку консумирање на органскиот отпад како нејзина храна.[2]
Значење
[уреди | уреди извор]Нема никакво значење од аспект на стопански, рекреативен, и спортски риболов.[2]
Наводи
[уреди | уреди извор]- ↑ Freyhof, J.; Kottelat, M. (2008). „Cobitis strumicae“. Црвен список на загрозени видови. 2008. doi:10.2305/IUCN.UK.2008.RLTS.T5039A11110124.en. Посетено на 14 ноември 2021. Занемарен непознатиот параметар
|article-number=(help) - 1 2 3 „РИБОЛОВНА ОСНОВА ЗА РИБОЛОВНА ВОДА " СЛИВ НА РЕКА СТРУМИЦА" ЗА ПЕРИОД 2023 – 2028 ГОДИНА“ (PDF). Влада на РМ. Посетено на 25 ноември 2025. line feed character во
|title=во положба 60 (help)